rag-yug ki nazmen

baajā kabhī na thamne vaalā

shevan sūkhī phaliyoñ kā

gard-ālūd havā ke jhakkaḌ

itnī uthal-puthal jaarī

sannāTā phir bhī sannāTā

ik khiñchī kamān

vo kab TuuTā kab phūTā

hāshiya-e-dīvār kī sūrat

Dher sunahrā

piile sūkhe pattoñ kā

charmarā kartā zarar se aarī

ḳhaak meñ rultī charmar us kī suntā huā

khiḌkī se chipkā thā khaḌā vo be-parvā

har aahaT ke har āvāz ke Dhāñche meñ

reñg rahā berī bhedī

gahnā itnā por por sunahrā laade

Tahnī Tahnī jogan pairāgan

chup kī daad kamānā chāheñ

som latā.eñ

rāgniyāñ sab

kyā dīpak kyā megh

rāg-yug biitā

kab biitā rāg-yug

tire gaañv kī chhāñv

terā singhāsan uḌan-khaTolā

kin Tīloñ ke tale

bachche khel rahe haiñ apnā

shorīkār kā khel purānā

rāg-yug kahe dhuup jahāñ

piilī hai to kabhī dhānī

bahtā paanī

roīda uljhāo

ḳhas-o-ḳhāshāk dhatūrā nāg-phanī

aur vahīñ champā kī shāḳh bhī

sar-tābī se phūle-phale

aahan tez kaḌī dhūpoñ kā

aur bhī kuchh pighle

taptā ḳhuun hai pī jā.egā

som amrit kā ye ghūñT

lū chaltī rahī

qatra qatra pasīna kab kā suukh chukā

tāza-dilī ke halkore āñkhoñ meñ magar

ab bhī baaqī

dhuul bharī pagDanDī balkhātī muḌtī hai

raqs-kunāñ hai bagūle meñ ik barg-e-surḳh

kohistānī siloñ ke beach chamaktā paanī

ik jhāḌī se uḌāneñ bhartī

baalā baalā paroñ kī jhilmil

dūsrī jhāḌī meñ rū-posh

itnī sī ik baat usī se

sonā sonā dil kā ufuq

rañg bharā nairañg bharā

jal meñ Duube aks uḌe

titlī ke paroñ se

vo jal thā

nar-mūhī

halchal se jo baaz rahā

dil to na thā

kab us kī thaah meñ jhalkā huā

damkī damkī hun barsātī dhuñd kā ik pūrab

titlī ke paroñ se uḌ paayā

ik pukār suhānī thī vo

fāsle shunavā.ī ke le jis ko darkār

tab dard kī lau tez huī

merī apnī siimā thī

merā apnā dosh

us se nikle sab jhagḌe dukhḌe

duniyā kahtī hai ham bhī

kahte haiñ apnī apnī gāthā kā use harf-e-āġhāz

tāfa-ba-tāfa ḳhushbū chhantī rahī

sahj subhāv meñ apnā.iyat kā rachāo rachātī

magar kasauTī ke patthar meñ jab Dhal jaatī

tab Takrāo aTal

tab sahnā ghaav pe ghaav

magar uf kahnā aar magar

uf kahnā haar

tab barbādī

taḳht-e-sulaimāñ thā jaise barbād rahā

apnī ḳhushī se kaun us kā

apnī marzī se paḌāv

kohrā chhāvnī chhāne aayā devgirī par

ānan-fānan devgirī

sar-ba-falak ik ruī kā Dher

dhunkī bhī naddāf kī phurtīlī thī

aur naddāf bhī tez

iiñ ham aañ ham diiñ ham jaañ ham

raft hī raft kī dhun par gaale uḌte hue

āñdhī ne dekhe āñdhī ko hāñke kī sūjhī

lekin chhupe mozāhim vo pech-o-ḳham kaḌī chaTTānoñ ke

kab hāñke ga.e

kitnī baar huā aisā

silsila mast-e-alast ye qaa.em

nīlāhaT ke adam ke pas-e-manzar se ubhartā

hairāñ hairāñ āñkhoñ ko dikhlā.ī diyā

ghuum rahā hai parvāna

chakrāyā be-sadā ho ke girā

phir chāñdī chāñdī raakh huā simTī

bikhre bikhre par vo juḌe

phir bahkī bahkī uḌaan bharī

Takrātā hai fānūs se

sham-e-tamannā

Takrāne de use

āḳhir is kā apnā bhī ik

fānūs habāb-āsā hai ḳhvāb-āsā

vo jitnā chaknā-chūr utnā hī

nūr-e-zuhūr kā aalam us se phaTā paḌtā

kab ho paa.ī ye shikastagī puurī

muktī

vo shaguftagī puurī

yuuñ ik pal

jhoñk diyā jaatā hai us meñ

ab jab tab se vārasta

man-mānā bahāv

tab tum bin duujā be-hamtā

kaun is ke jiine marne kā

phir mar kar jī uThne kā javāz

kal-jug ke paas jag ke khetoñ se phūTe

giit rahaT kā

sairābī hī us kī lai

rut rut nayā rahe lauh-o-qalam tere

sarmad sargam

kahāñ ugam tirā kahāñ ugam

terā sabūcha gahvāra tirā

har roz-e-raushan

tujh ko saaje aalam aalam ham-āhañgī

lekin apnī tarañg ke saath

ban chiḌiyāñ be-rok uḌāneñ

be-bandish chahchahe

sañgat meñ pūrabī navā kī

hare-bhare zamzame

ghulī-milī un meñ ik kuuk

musalsal sah zarbī

detī hai an-dekhī kisī hudhud chiḌiyā kā pata

ye apnī pahchān kī rut ke pakherū

ūñchī ghaas meñ chhap ke navā pairā

chup ho jaa.eñ

tab bhī guuñj ke āñgan meñ

rim-jhim barse jaanā jaarī

hār-siñghār kī kaliyoñ kā

pañkh humā ke khulte rahe aur juḌte rahe

afshāñ ke bikhrāo meñ dhīre dhīre ujāgar hote hue

sīmābī kare

panap sake to panpe insāñ

nar-nārī meñ vā māñda vo nashv-o-numā

sūraj-mukhī kashīda-qāmat

ra.anā.ī dar ra.anā.ī khultā huā imkāñ

jitnā piine itnā aur panapne kā armān kare

apnī hī bīnā.ī kī tausī.a sī

pal pal taaza numūd fazāoñ meñ

piine varna

phir kyā hai naġhme kī asaas

varna tund takrār bhī

chob bhī taar bhī

raakh sitāroñ kī

jhaḌtī huī paiham sard anfās

baja kabhi na thamne wala

shewan sukhi phaliyon ka

gard-alud hawa ke jhakkaD

itni uthal-puthal jari

sannaTa phir bhi sannaTa

ek khinchi kaman

wo kab TuTa kab phuTa

hashiya-e-diwar ki surat

Dher sunahra

pile sukhe patton ka

charmara karta zarar se aari

KHak mein rulti charmar us ki sunta hua

khiDki se chipka tha khaDa wo be-parwa

har aahaT ke har aawaz ke Dhanche mein

reng raha beri bhedi

gahna itna por por sunahra lade

Tahni Tahni jogan pairagan

chup ki dad kamana chahen

som lataen

ragniyan sab

kya dipak kya megh

rag-yug bita

kab bita rag-yug

tere ganw ki chhanw

tera singhasan uDan-khaTola

kin Tilon ke tale

bachche khel rahe hain apna

shorikar ka khel purana

rag-yug kahe dhup jahan

pili hai to kabhi dhani

bahta pani

roida uljhao

KHas-o-KHashak dhatura nag-phani

aur wahin champa ki shaKH bhi

sar-tabi se phule-phale

aahan tez kaDi dhupon ka

aur bhi kuchh pighle

tapta KHun hai pi jaega

som amrit ka ye ghunT

lu chalti rahi

qatra qatra pasina kab ka sukh chuka

taza-dili ke halkore aankhon mein magar

ab bhi baqi

dhul bhari pagDanDi balkhati muDti hai

raqs-kunan hai bagule mein ek barg-e-surKH

kohistani silon ke beach chamakta pani

ek jhaDi se uDanen bharti

baala baala paron ki jhilmil

dusri jhaDi mein ru-posh

itni si ek baat usi se

sona sona dil ka ufuq

rang bhara nairang bhara

jal mein Dube aks uDe

titli ke paron se

wo jal tha

nar-muhi

halchal se jo baz raha

dil to na tha

kab us ki thah mein jhalka hua

damki damki hun barsati dhund ka ek purab

titli ke paron se uD paya

ek pukar suhani thi wo

fasle shunawai ke le jis ko darkar

tab dard ki lau tez hui

meri apni sima thi

mera apna dosh

us se nikle sab jhagDe dukhDe

duniya kahti hai hum bhi

kahte hain apni apni gatha ka use harf-e-aghaz

tafa-ba-tafa KHushbu chhanti rahi

sahj subhaw mein apnaiyat ka rachao rachati

magar kasauTi ke patthar mein jab Dhal jati

tab Takrao aTal

tab sahna ghaw pe ghaw

magar uf kahna aar magar

uf kahna haar

tab barbaadi

taKHt-e-sulaiman tha jaise barbaad raha

apni KHushi se kaun us ka

apni marzi se paDaw

kohra chhawni chhane aaya dewgiri par

aanan-fanan dewgiri

sar-ba-falak ek rui ka Dher

dhunki bhi naddaf ki phurtili thi

aur naddaf bhi tez

in hum aan hum din hum jaan hum

raft hi raft ki dhun par gale uDte hue

aandhi ne dekhe aandhi ko hanke ki sujhi

lekin chhupe mozahim wo pech-o-KHam kaDi chaTTanon ke

kab hanke gae

kitni bar hua aisa

silsila mast-e-alast ye qaem

nilahaT ke adam ke pas-e-manzar se ubharta

hairan hairan aankhon ko dikhlai diya

ghum raha hai parwana

chakraya be-sada ho ke gira

phir chandi chandi rakh hua simTi

bikhre bikhre par wo juDe

phir bahki bahki uDan bhari

Takraata hai fanus se

sham-e-tamanna

Takrane de use

aaKHir is ka apna bhi ek

fanus habab-asa hai KHwab-asa

wo jitna chakna-chur utna hi

nur-e-zuhur ka aalam us se phaTa paDta

kab ho pai ye shikastagi puri

mukti

wo shaguftagi puri

yun ek pal

jhonk diya jata hai us mein

ab jab tab se warasta

man-mana bahaw

tab tum bin duja be-hamta

kaun is ke jine marne ka

phir mar kar ji uThne ka jawaz

kal-jug ke pas jag ke kheton se phuTe

git rahaT ka

sairabi hi us ki lai

rut rut naya rahe lauh-o-qalam tere

sarmad sargam

kahan ugam tera kahan ugam

tera sabucha gahwara tera

har roz-e-raushan

tujh ko saje aalam aalam ham-ahangi

lekin apni tarang ke sath

ban chiDiyan be-rok uDanen

be-bandish chahchahe

sangat mein purabi nawa ki

hare-bhare zamzame

ghuli-mili un mein ek kuk

musalsal sah zarbi

deti hai an-dekhi kisi hudhud chiDiya ka pata

ye apni pahchan ki rut ke pakheru

unchi ghas mein chhap ke nawa paira

chup ho jaen

tab bhi gunj ke aangan mein

rim-jhim barse jaana jari

haar-singhaar ki kaliyon ka

pankh huma ke khulte rahe aur juDte rahe

afshan ke bikhrao mein dhire dhire ujagar hote hue

simabi kare

panap sake to panpe insan

nar-nari mein wa manda wo nashw-o-numa

suraj-mukhi kashida-qamat

ranai dar ranai khulta hua imkan

jitna pine itna aur panapne ka arman kare

apni hi binai ki tausia si

pal pal taza numud fazaon mein

pine warna

phir kya hai naghme ki asas

warna tund takrar bhi

chob bhi tar bhi

rakh sitaron ki

jhaDti hui paiham sard anfas