rakh

na jaane kab se yūñhī dil-shikasta baiThī huuñ

udaas chehre ko apnī hatheliyoñ meñ liye

guzarne vaalī hai raat aur merī āñkhoñ meñ

jalā rahī hai tirī yaad āñsuoñ ke diye

mirā ḳhayāl thā un zar-nigār mahloñ meñ

vo dil-kashī hai ki maiñ tujh ko bhuul jā.ūñgī

nashāt-e-tāza ke ehsās kī shuāoñ se

shabāb-o-husn kī rāhoñ ko jagmagā.ūngī

magar ḳhabar na thī ye shoḳh-o-shañg hañgāme

mirī javān ummīdoñ kā husn lūTeñge

sunahre ḳhvāb ḳhizāñ-dīda pattiyoñ kī tarah

ujḌā ujaḌ ke baḌī hasratoñ se TūTeñge

maiñ sochtī huuñ ki ik jism ke pujārī ko

mirī vafā ne vafā kā suhāg kyuuñ samjhā

havas ke saaz pe gaa.e hue tarāne ko

dhaḌakte dil kī mohabbat kā raag kyuuñ samjhā

ye sīm-o-zar kī bahāroñ kā daur-e-sarmastī

mirī fasurdagī-e-rūh ko na raas aayā

thakī thakī sī javānī bujhī bujhī sī hayāt

maiñ sochtī huuñ tujhe kho ke maiñ ne kyā paayā

ye Thiik hai ki tirā pyaar sīm-posh na thā

vafā-shanās thā lekin vafā-farosh na thā

na jaane kab se yunhi dil-shikasta baiThi hun

udas chehre ko apni hatheliyon mein liye

guzarne wali hai raat aur meri aankhon mein

jala rahi hai teri yaad aansuon ke diye

mera KHayal tha un zar-nigar mahlon mein

wo dil-kashi hai ki main tujh ko bhul jaungi

nashat-e-taza ke ehsas ki shuaon se

shabab-o-husn ki rahon ko jagmagaungi

magar KHabar na thi ye shoKH-o-shang hangame

meri jawan ummidon ka husn luTenge

sunahre KHwab KHizan-dida pattiyon ki tarah

ujDa ujaD ke baDi hasraton se TuTenge

main sochti hun ki ek jism ke pujari ko

meri wafa ne wafa ka suhag kyun samjha

hawas ke saz pe gae hue tarane ko

dhaDakte dil ki mohabbat ka rag kyun samjha

ye sim-o-zar ki bahaaron ka daur-e-sarmasti

meri fasurdagi-e-ruh ko na ras aaya

thaki thaki si jawani bujhi bujhi si hayat

main sochti hun tujhe kho ke main ne kya paya

ye Thik hai ki tera pyar sim-posh na tha

wafa-shanas tha lekin wafa-farosh na tha