raftagan

yahīñ kuchh log rahte the

ki jin ke dhūl-miTTī se aTe jismoñ kī ḳhushbū

ab hamāre dil kī dhaḌkan hai

jo dukh kī raakh ko

apne lahū kī aañch de kar

zamāne meñ masarrat kī tavānā.ī luTāte the

jo logoñ

bekasoñ nādār insānoñ kī ḳhātir

apnī ḳhushiyāñ bhuul jaate haiñ

yahī vo log the vo dilrubā insāñ

jo insānoñ se baḌh kar ḳhūbsūrat the

yahin kuchh log rahte the

ki jin ke dhul-miTTi se aTe jismon ki KHushbu

ab hamare dil ki dhaDkan hai

jo dukh ki rakh ko

apne lahu ki aanch de kar

zamane mein masarrat ki tawanai luTate the

jo logon

bekason nadar insanon ki KHatir

apni KHushiyan bhul jate hain

yahi wo log the wo dilruba insan

jo insanon se baDh kar KHubsurat the