rah-guzar

ye rahguzar

rahguzār-e-ḳhūbāñ hai jis kā har moḌ kahkashāñ hai

sajal shagufta hasīñ dil-āvez ḳhūb-sūrat bahār sāmāñ

idhar se guzar gayā zamāna ki jaise guzre ramīda aahū

jilau meñ sub.hoñ kī muskurāhaT

laboñ pe raushan sī gungunāhaT

jabīñ pe taqdīs-e-fan kā qashqa

nazar nazar meñ sahar ke ḳhāke

lachaktī bāheñ mahakte gesū

sabīh abrū gudāz baazū

qadam qadam par paḌe haiñ halqe

Thahar Thahar kar baje haiñ ghuñghrū

ye rahguzar rahguzār-e-ḳhūbāñ hai jis kā har moḌ kahkashāñ hai

ye rahguzar

hosh-mand mehnat-kashoñ kī dānish ke shāhzādoñ kī rahguzar hai

ki jis kā har moḌ jehd-o-fan kī alāmatoñ kā nagar nagar hai

mire rafīqo

ye rahguzar ik na.ī Dagar hai

ye rahguzar fahm aur basīrat kī rahguzar hai

magar abhī zulf tā-kamar hai

ye rahguzar

rahguzar-e-KHuban hai jis ka har moD kahkashan hai

sajal shagufta hasin dil-awez KHub-surat bahaar saman

idhar se guzar gaya zamana ki jaise guzre ramida aahu

jilau mein subhon ki muskurahaT

labon pe raushan si gungunahaT

jabin pe taqdis-e-fan ka qashqa

nazar nazar mein sahar ke KHake

lachakti bahen mahakte gesu

sabih abru gudaz bazu

qadam qadam par paDe hain halqe

Thahar Thahar kar baje hain ghunghru

ye rahguzar rahguzar-e-KHuban hai jis ka har moD kahkashan hai

ye rahguzar

hosh-mand mehnat-kashon ki danish ke shahzadon ki rahguzar hai

ki jis ka har moD jehd-o-fan ki alamaton ka nagar nagar hai

mere rafiqo

ye rahguzar ek nai Dagar hai

ye rahguzar fahm aur basirat ki rahguzar hai

magar abhi zulf ta-kamar hai