rakhi

yūñhī dekhūñ jo rākhī ko to ye rangīn Dorā hai

jo dekhūñ ġhaur se is ko to hai zanjīr lohe kī

jo baḌh kar qaid kar letī hai aafat apne bhaa.ī kī

musībat kī haqīqat kyā

musībat aa nahīñ saktī

musībat kaañp jaatī hai

jo rākhī dekh letī hai

kisī bhaa.ī ke haath meñ

rākhī ke dhāge meñ

bahan ne pyaar bāñdhā hai

itihās meñ rākhī hai rishta bhaa.ī bahnoñ kā

havāla is meñ poshīda hai sadiyoñ ke rishtoñ kā

bañdhā hai pyaar is meñ bahan kā

aur us ke purkhoñ kā

rākhī

nibhānā laaj rākhī kī mire bhayyā

bahan kā maan rakh lenā

bañdhā kar haath meñ rākhī bahan se

har koī bhaa.ī

bahan ke sukh ke vāste

tayyār ho jaatā hai marne ko

magar bhayyā

tumhārī zindagī to

bahan ko dil se pyārī hai

salāmat tum raho

bhagvān se bintī hamārī hai

jo chāho neg tum denā

to mujh ko ye vachan de do

na uThe phir koī dīvār nafrat kī

bahan bhaa.ī ke āñgan meñ

nahīñ byopār kuchh is meñ

ye ik vyahvār hai bhayyā

nahīñ hai kachchā ye Dorā

tirā e.atibār hai bhayyā

yunhi dekhun jo rakhi ko to ye rangin Dora hai

jo dekhun ghaur se is ko to hai zanjir lohe ki

jo baDh kar qaid kar leti hai aafat apne bhai ki

musibat ki haqiqat kya

musibat aa nahin sakti

musibat kanp jati hai

jo rakhi dekh leti hai

kisi bhai ke hath mein

rakhi ke dhage mein

bahan ne pyar bandha hai

itihas mein rakhi hai rishta bhai bahnon ka

hawala is mein poshida hai sadiyon ke rishton ka

bandha hai pyar is mein bahan ka

aur us ke purkhon ka

rakhi

nibhana laj rakhi ki mere bhayya

bahan ka man rakh lena

bandha kar hath mein rakhi bahan se

har koi bhai

bahan ke sukh ke waste

tayyar ho jata hai marne ko

magar bhayya

tumhaari zindagi to

bahan ko dil se pyari hai

salamat tum raho

bhagwan se binti hamari hai

jo chaho neg tum dena

to mujh ko ye wachan de do

na uThe phir koi diwar nafrat ki

bahan bhai ke aangan mein

nahin byopar kuchh is mein

ye ek wyahwar hai bhayya

nahin hai kachcha ye Dora

tera eatibar hai bhayya