rang jo KHushbu na tha

vādī-e-majnūñ meñ

ābrū-e-ḳhūn meñ

rū-e-sarshār-o-hasīñ

manzar-e-shab ke qarīñ

maiñ tumheñ tartīb duuñ

qurb kī tarġhīb duuñ

aks kī tārīf meñ

rasm kī tahrīf meñ

ek afsāna kahūñ

sub.h tak jaltā rahā huuñ

tum ḳhirām-e-nāz se

nutq-o-lab ke saaz se

marg-āsā jāñ-ba-lab

jāda-e-tārīk jab

zinda-o-raushan karo

aur lahrā kar chalo

qatl kar denā use

aks jo tum sā na thā

harf jo mujh sā na thā

jazb-e-sho.ala-e-ḳhū na thā

rañg jo ḳhushbū na thā

wadi-e-majnun mein

aabru-e-KHun mein

ru-e-sarshaar-o-hasin

manzar-e-shab ke qarin

main tumhein tartib dun

qurb ki targhib dun

aks ki tarif mein

rasm ki tahrif mein

ek afsana kahun

subh tak jalta raha hun

tum KHiram-e-naz se

nutq-o-lab ke saz se

marg-asa jaan-ba-lab

jada-e-tarik jab

zinda-o-raushan karo

aur lahra kar chalo

qatl kar dena use

aks jo tum sa na tha

harf jo mujh sa na tha

jazb-e-shoala-e-KHu na tha

rang jo KHushbu na tha