chhabbis january

gulshan meñ rut na.ī hai

har samt be-ḳhudī hai

har gul pe tāzgī hai

masrūr zindagī hai

sar-chashma-e-ḳhushī hai

chhabbīs january hai

har sū ḳhushī hai chhā.ī

sab ne murād paa.ī

phir january ye aa.ī

yaum-e-surūr laa.ī

saa.at murād kī hai

chhabbīs january hai

āñkhoñ meñ rañg-e-nau hai

bātil se jañg-e-nau hai

saaz aur chañg-e-nau hai

har dar pe sañg-e-nau hai

pur kaif zindagī hai

chhabbīs january hai

maiñ gungunā rahā huuñ

mastī meñ gā rahā huuñ

ḳhushiyāñ manā rahā huuñ

aalam pe chhā rahā huuñ

dil mahv-e-be-ḳhudī hai

chhabbīs january hai

hindostān ḳhush hai

har pāsbān ḳhush hai

har nau-javān ḳhush hai

saarā jahān ḳhush hai

ek josh-e-sarmadī hai

chhabbīs january hai

gulshan mein rut nai hai

har samt be-KHudi hai

har gul pe tazgi hai

masrur zindagi hai

sar-chashma-e-KHushi hai

chhabbis january hai

har su KHushi hai chhai

sab ne murad pai

phir january ye aai

yaum-e-surur lai

saat murad ki hai

chhabbis january hai

aankhon mein rang-e-nau hai

baatil se jang-e-nau hai

saz aur chang-e-nau hai

har dar pe sang-e-nau hai

pur kaif zindagi hai

chhabbis january hai

main gunguna raha hun

masti mein ga raha hun

KHushiyan mana raha hun

aalam pe chha raha hun

dil mahw-e-be-KHudi hai

chhabbis january hai

hindostan KHush hai

har pasban KHush hai

har nau-jawan KHush hai

sara jahan KHush hai

ek josh-e-sarmadi hai

chhabbis january hai