roe bhagat kabir

pūchh na kyā lahore meñ dekhā ham ne miyāñ-'nazīr'

pahneñ suiT añgrezī boleñ aur kahlā.eñ 'mīr'

chaudhariyoñ kī muTThī meñ hai shā.ir kī taqdīr

ro.e bhagat kabīr

ik-dūje ko jāhil samjheñ naT-khaT buddhīvān

metro meñ jo chaa.e pilā.e bas vo baap samān

sab se achchhā shā.ir vo hai jis kā yaar mudīr

ro.e bhagat kabīr

saḌkoñ par bhūke phirte haiñ shā.ir mausīqār

actorsoñ ke baap liye phirte haiñ motor-kār

film-nagar tak aa pahuñche haiñ sayyad piir faqīr

ro.e bhagat kabīr

lāl-dīn kī koThī dekhī rañg bhī jis kā laal

shahr meñ rah kar ḳhuub uḌaa.e dahqānoñ kā maal

aur kahe ajdād ne baḳhshī mujh ko ye jāgīr

ro.e bhagat kabīr

jis ko dekho leader hai aur se milo vakīl

kisī tarah bhartā hī nahīñ hai peT hai un kā jhiil

majbūran sunñā paḌtī hai un sab kī taqdīr

ro.e bhagat kabīr

mahfil se jo uTh kar jaa.e kahlā.e vo bor

apnī masjid kī tārīfeñ baaqī jūte-chor

apnā jhang bhalā hai pyāre jahāñ hamārī hiir

ro.e bhagat kabīr

puchh na kya lahore mein dekha hum ne miyan-'nazir'

pahnen suiT angrezi bolen aur kahlaen 'mir'

chaudhariyon ki muTThi mein hai shair ki taqdir

roe bhagat kabir

ik-duje ko jahil samjhen naT-khaT buddhiwan

metro mein jo chae pilae bas wo bap saman

sab se achchha shair wo hai jis ka yar mudir

roe bhagat kabir

saDkon par bhuke phirte hain shair mausiqar

actorson ke bap liye phirte hain motor-kar

film-nagar tak aa pahunche hain sayyad pir faqir

roe bhagat kabir

lal-din ki koThi dekhi rang bhi jis ka lal

shahr mein rah kar KHub uDae dahqanon ka mal

aur kahe ajdad ne baKHshi mujh ko ye jagir

roe bhagat kabir

jis ko dekho leader hai aur se milo wakil

kisi tarah bharta hi nahin hai peT hai un ka jhil

majburan sunna paDti hai un sab ki taqdir

roe bhagat kabir

mahfil se jo uTh kar jae kahlae wo bor

apni masjid ki tarifen baqi jute-chor

apna jhang bhala hai pyare jahan hamari hir

roe bhagat kabir