shayad

maiñ to har raat yahī soch ke sotā huuñ ki kal

sub.h shāyad tire dīdār kā sūraj nikle

aur har roz tire ḳhvāb liye āñkhoñ meñ

dar-ba-dar ghūmtā phirtā huuñ ki din kaT jaa.e

aur phir raat ko jab lauT ke aa.uuñ ghar ko

muntazir ho tirā paikar mire darvāze par

yā to phir kal kī tarah raat guzar jaa.e mirī

aur jab sub.h ko jāgūñ to tujhī ko dekhūñ

main to har raat yahi soch ke sota hun ki kal

subh shayad tere didar ka suraj nikle

aur har roz tere KHwab liye aankhon mein

dar-ba-dar ghumta phirta hun ki din kaT jae

aur phir raat ko jab lauT ke aaun ghar ko

muntazir ho tera paikar mere darwaze par

ya to phir kal ki tarah raat guzar jae meri

aur jab subh ko jagun to tujhi ko dekhun