tere KHushbu mein base KHat

pyaar kī āḳhirī pūñjī bhī luTā aayā huuñ

apnī hastī ko bhī lagtā hai miTā aayā huuñ

umr-bhar kī jo kamā.ī thī gañvā aayā huuñ

tere ḳhat aaj maiñ gañgā meñ bahā aayā huuñ

aag bahte hue paanī meñ lagā aayā huuñ

tū ne likhkhā thā jalā duuñ maiñ tirī tahrīreñ

tū ne chāhā thā jalā duuñ maiñ tirī tasvīreñ

soch liiñ maiñ ne magar aur hī kuchh tadbīreñ

tere ḳhat aaj maiñ gañgā meñ bahā aayā huuñ

aag bahte hue paanī meñ lagā aayā huuñ

tere ḳhushbū meñ base ḳhat maiñ jalātā kaise

pyaar meñ Duube hue ḳhat maiñ jalātā kaise

tere hāthoñ ke likhe ḳhat maiñ jalātā kaise

tere ḳhat aaj maiñ gañgā meñ bahā aayā huuñ

aag bahte hue paanī meñ lagā aayā huuñ

jin ko duniyā kī nigāhoñ se chhupā.e rakkhā

jin ko ik umr kaleje se lagā.e rakkhā

diin jin ko jinheñ īmān banā.e rakkhā

jin kā har lafz mujhe yaad hai paanī kī tarah

yaad the mujh ko jo paiġhām-e-zabānī kī tarah

mujh ko pyāre the jo anmol nishānī kī tarah

tū ne duniyā kī nigāhoñ se jo bach kar likkhe

sāl-hā-sāl mire naam barābar likkhe

kabhī din meñ to kabhī raat ko uTh kar likkhe

tere rūmāl tire ḳhat tire chhalle bhī ga.e

terī tasvīreñ tire shoḳh lifāfe bhī ga.e

ek yug ḳhatm huā yug ke fasāne bhī ga.e

tere ḳhat aaj maiñ gañgā meñ bahā aayā huuñ

aag bahte hue paanī meñ lagā aayā huuñ

kitnā bechain unheñ lene ko gañgā-jal thā

jo bhī dhārā thā unhīñ ke liye vo bekal thā

pyaar apnā bhī to gañgā kī tarah nirmal thā

tere ḳhat aaj meñ gañgā meñ bahā aayā huuñ

aag bahte hue paanī meñ lagā aayā huuñ

pyar ki aaKHiri punji bhi luTa aaya hun

apni hasti ko bhi lagta hai miTa aaya hun

umr-bhar ki jo kamai thi ganwa aaya hun

tere KHat aaj main ganga mein baha aaya hun

aag bahte hue pani mein laga aaya hun

tu ne likhkha tha jala dun main teri tahriren

tu ne chaha tha jala dun main teri taswiren

soch lin main ne magar aur hi kuchh tadbiren

tere KHat aaj main ganga mein baha aaya hun

aag bahte hue pani mein laga aaya hun

tere KHushbu mein base KHat main jalata kaise

pyar mein Dube hue KHat main jalata kaise

tere hathon ke likhe KHat main jalata kaise

tere KHat aaj main ganga mein baha aaya hun

aag bahte hue pani mein laga aaya hun

jin ko duniya ki nigahon se chhupae rakkha

jin ko ek umr kaleje se lagae rakkha

din jin ko jinhen iman banae rakkha

jin ka har lafz mujhe yaad hai pani ki tarah

yaad the mujh ko jo paigham-e-zabani ki tarah

mujh ko pyare the jo anmol nishani ki tarah

tu ne duniya ki nigahon se jo bach kar likkhe

sal-ha-sal mere nam barabar likkhe

kabhi din mein to kabhi raat ko uTh kar likkhe

tere rumal tere KHat tere chhalle bhi gae

teri taswiren tere shoKH lifafe bhi gae

ek yug KHatm hua yug ke fasane bhi gae

tere KHat aaj main ganga mein baha aaya hun

aag bahte hue pani mein laga aaya hun

kitna bechain unhen lene ko ganga-jal tha

jo bhi dhaara tha unhin ke liye wo bekal tha

pyar apna bhi to ganga ki tarah nirmal tha

tere KHat aaj mein ganga mein baha aaya hun

aag bahte hue pani mein laga aaya hun