ruKH-ba-ruKH

surḳh manDī

harā tel

piilī khanak

tiin safhoñ kā aḳhbār hai zindagī

ishtihārāt kī bhiiḌ meñ chāñdnī

apnī pāzeb kī jhunjhunāhaT pe roī huī raushnī

ek ik lafz-e-be-rang kī paikariyat chhuāne pe māmūr hai

aks jitne bhī nang-e-basīrat haiñ sab

saaf karke dikhāne pe majbūr hai

kyoñ duhā.ī na duuñ a shikast-e-nazar

āsmāñ lafz hai aur kuchh bhī nahīñ

lafz ḳhud ik alāmat hai tafhīm kī

sharm-gāheñ chhupāne kī adnā sī shai ke sivā

aur kyā naam duuñ aql ko

āgahī ḳhud-farebī ḳharābe kī jaḌ

jis kī buniyād mafrūza hai aur kuchh bhī nahīñ

aur jab muddatoñ kī ulaT-pher ke baa'd bhī

chāñdnī kuchh nahīñ

raushnī kuchh nahīñ

āgahī kuchh nahīñ

aag hī aag hai ḳhuun hī ḳhuun hai

paiñtare meñ yahī

sab yahī daañv haiñ

dhuup hai chhāñv hai

surḳh manDī

harā tel

piilī khanak

zindagī zindagī zindagī

kuchh nahīñ kuchh nahīñ

tiin safhoñ kā aḳhbār hai zindagī

surKH manDi

hara tel

pili khanak

tin safhon ka aKHbar hai zindagi

ishtihaaraat ki bhiD mein chandni

apni pazeb ki jhunjhunahaT pe roi hui raushni

ek ek lafz-e-be-rang ki paikariyat chhuane pe mamur hai

aks jitne bhi nang-e-basirat hain sab

saf karke dikhane pe majbur hai

kyon duhai na dun a shikast-e-nazar

aasman lafz hai aur kuchh bhi nahin

lafz KHud ek alamat hai tafhim ki

sharm-gahen chhupane ki adna si shai ke siwa

aur kya nam dun aql ko

aagahi KHud-farebi KHarabe ki jaD

jis ki buniyaad mafruza hai aur kuchh bhi nahin

aur jab muddaton ki ulaT-pher ke ba'd bhi

chandni kuchh nahin

raushni kuchh nahin

aagahi kuchh nahin

aag hi aag hai KHun hi KHun hai

paintare mein yahi

sab yahi danw hain

dhup hai chhanw hai

surKH manDi

hara tel

pili khanak

zindagi zindagi zindagi

kuchh nahin kuchh nahin

tin safhon ka aKHbar hai zindagi