ruswai

Tiikā lagā.ūñ maañg bhī sandal se bhar chukūñ

dulhan banūñ to chāhiye joḌā suhāg kā

mehñdī rachegī poroñ kahīñ jā ke dair meñ

kañghī karūñ to chaḌhtī hai kāloñ kī aur lahr

afshāñ hai baḳht bhī ki rahā un ke pher meñ

kahtī hai sāñjh bhor ke ab ghaaT utar chukūñ

tum baiTho maiñ to aa.ī pe jī se guzar chukūñ

itne dinoñ to dil kī lagī ne ḳhudā.ī kī

paa.el baje to bansī kī dhun naach naach uThe

bad-nāmiyāñ karishme mire devtā ke haiñ

diide ghumā ghumā ke kahīñ kyuuñ na gopiyāñ

un ke chalan to bigḌe hue ibtidā ke haiñ

biptā na hogī kal se lagā.ī bujhā.ī kī

dahke shafaq tū dahke chitā jag hañsā.ī kī

2

chīḳheñ sun sun ke sabhī niiñd ke maate jaage

sāmne dahkī huī aag kā paikar dekhā

chal ke do-chār qadam phir se palaT kar jaulāñ

chīḳheñ sho.aloñ ke dahakne pe lapak uThtī thiiñ

duud ke halqe ravāñ ho.e falak charḳh zanāñ

sab ye samjhe ki koī ġhūl-e-bayābānī hai

yūñhī luukā jo lagāne ko nikal aayā yahāñ

bād-pā aag thī yā laal rasīlī saaḌī

chhāyā kāloñ kī thī sho.aloñ kī zabānoñ kā dhuāñ

yak-ba-yak kundanī bāheñ bhī uThīñ chīḳh ke saath

kāñpte aa.e nazar phuul se mehñdī bhare haath

ek ne baḌh ke vahīñ aag pe Daalā paanī

aag yuuñ paanī kī shah paa.e to dozaḳh na bane

jīte-jī ashkoñ se kyā dil kī lagī bujhtī thī

aag paanī meñ laḌā.ī jo chitā par bhī Thane

ḳhaak Daalī to huiiñ phir kahīñ maddham āñcheñ

baḳht rusvā ho to rusvā.ī binā kaise mane

pūchho jalne kī to jaane vahī jis tan laage

chīḳheñ sun sun ke

Tika lagaun mang bhi sandal se bhar chukun

dulhan banun to chahiye joDa suhag ka

mehndi rachegi poron kahin ja ke dair mein

kanghi karun to chaDhti hai kalon ki aur lahr

afshan hai baKHt bhi ki raha un ke pher mein

kahti hai sanjh bhor ke ab ghaT utar chukun

tum baiTho main to aai pe ji se guzar chukun

itne dinon to dil ki lagi ne KHudai ki

pael baje to bansi ki dhun nach nach uThe

bad-namiyan karishme mere dewta ke hain

dide ghuma ghuma ke kahin kyun na gopiyan

un ke chalan to bigDe hue ibtida ke hain

bipta na hogi kal se lagai bujhai ki

dahke shafaq tu dahke chita jag hansai ki

2

chiKHen sun sun ke sabhi nind ke mate jage

samne dahki hui aag ka paikar dekha

chal ke do-chaar qadam phir se palaT kar jaulan

chiKHen shoalon ke dahakne pe lapak uThti thin

dud ke halqe rawan hoe falak charKH zanan

sab ye samjhe ki koi ghul-e-bayabani hai

yunhi luka jo lagane ko nikal aaya yahan

baad-pa aag thi ya lal rasili saDi

chhaya kalon ki thi shoalon ki zabanon ka dhuan

yak-ba-yak kundani bahen bhi uThin chiKH ke sath

kanpte aae nazar phul se mehndi bhare hath

ek ne baDh ke wahin aag pe Dala pani

aag yun pani ki shah pae to dozaKH na bane

jite-ji ashkon se kya dil ki lagi bujhti thi

aag pani mein laDai jo chita par bhi Thane

KHak Dali to huin phir kahin maddham aanchen

baKHt ruswa ho to ruswai bina kaise mane

puchho jalne ki to jaane wahi jis tan lage

chiKHen sun sun ke