rut badli re

mausam bāheñ khol rahā hai

gadrā.ī hai shaam basantī

din chupke se dekh rahā hai

lamhoñ kā ik thaal sunahrā

dil ne kaise thaam rakhā hai

āñchal meñ hai ek sitāra

jhilmil jhilmil bol rahā hai

dhak dhak dhak dhak ek hī bolī

dil kā piñjra khol rahī hai

bechainī kā raqs anokhā

ik ik sar kī taal ajab hai

ḳhushbū kī bhī aañch ġhazab hai

saarā āñgan dahak rahā hai

nazm sab kuchh nahīñ likh saktī

sar nehvḌā.e

chabātī rahtī hai nāḳhun

kharoñchtī rahtī hai dil

bhīgī huī hathelī se

masal detī hai saare manzar

havā ḳhaak bhar detī hai

nazm kī āñkhoñ meñ

patthar kī sil

kuchal detī hai nazm kī poreñ

aur nazm katbe nahīñ likh saktī

mausam bahen khol raha hai

gadrai hai sham basanti

din chupke se dekh raha hai

lamhon ka ek thaal sunahra

dil ne kaise tham rakha hai

aanchal mein hai ek sitara

jhilmil jhilmil bol raha hai

dhak dhak dhak dhak ek hi boli

dil ka pinjra khol rahi hai

bechaini ka raqs anokha

ek ek sar ki tal ajab hai

KHushbu ki bhi aanch ghazab hai

sara aangan dahak raha hai

nazm sab kuchh nahin likh sakti

sar nehwDae

chabaati rahti hai naKHun

kharonchti rahti hai dil

bhigi hui hatheli se

masal deti hai sare manzar

hawa KHak bhar deti hai

nazm ki aankhon mein

patthar ki sil

kuchal deti hai nazm ki poren

aur nazm katbe nahin likh sakti