ruh-e-arzi aadam ka istiqbaal karti hai
Interesting Fact
(Bal-e-Jibril)
khol aañkh zamīñ dekh falak dekh fazā dekh!
mashriq se ubharte hue sūraj ko zarā dekh!
is jalva-e-be-parda ko parda meñ chhupā dekh!
ayyām-e-judā.ī ke sitam dekh jafā dekh!
betāb na ho mārka-e-bīm-o-rajā dekh!
haiñ tere tasarruf meñ ye bādal ye ghaTā.eñ
ye gumbad-e-aflāk ye ḳhāmosh fazā.eñ
ye koh ye sahrā ye samundar ye havā.eñ
thiiñ pesh-e-nazar kal to farishtoñ kī adā.eñ
ā.īna-e-ayyām meñ aaj apnī adā dekh!
samjhegā zamāna tirī āñkhoñ ke ishāre!
dekheñge tujhe duur se gardūñ ke sitāre!
nāpaid tire bahr-e-taḳhayyul ke kināre
pahuñcheñge falak tak tirī aahoñ ke sharāre
tāmīr-e-ḳhudī kar asar-e-āh-e-rasā dekh
ḳhurshīd-e-jahāñ-tāb kī zau tere sharar meñ
ābād hai ik taaza jahāñ tere hunar meñ
jachte nahīñ baḳhshe hue firdaus nazar meñ
jannat tirī pinhāñ hai tire ḳhūn-e-jigar meñ
ai paikar-e-gul koshish-e-paiham kī jazā dekh!
nālañda tire uud kā har taar azal se
tū jins-e-mohabbat kā ḳharīdār azal se
tū pīr-e-sanam-ḳhāna-e-asrār azal se
mehnat-kash o ḳhūñ-rez o kam-āzār azal se
hai rākib-e-taqdīr-e-jahāñ terī razā dekh!
The Spirit of the Earth Welcomes Adam
khol aankh zamin dekh falak dekh faza dekh!
mashriq se ubharte hue suraj ko zara dekh!
is jalwa-e-be-parda ko parda mein chhupa dekh!
ayyam-e-judai ke sitam dekh jafa dekh!
betab na ho marka-e-bim-o-raja dekh!
hain tere tasarruf mein ye baadal ye ghaTaen
ye gumbad-e-aflak ye KHamosh fazaen
ye koh ye sahra ye samundar ye hawaen
thin pesh-e-nazar kal to farishton ki adaen
aaina-e-ayyam mein aaj apni ada dekh!
samjhega zamana teri aankhon ke ishaare!
dekhenge tujhe dur se gardun ke sitare!
napaid tere bahr-e-taKHayyul ke kinare
pahunchenge falak tak teri aahon ke sharare
tamir-e-KHudi kar asar-e-ah-e-rasa dekh
KHurshid-e-jahan-tab ki zau tere sharar mein
aabaad hai ek taza jahan tere hunar mein
jachte nahin baKHshe hue firdaus nazar mein
jannat teri pinhan hai tere KHun-e-jigar mein
ai paikar-e-gul koshish-e-paiham ki jaza dekh!
nalanda tere ud ka har tar azal se
tu jins-e-mohabbat ka KHaridar azal se
tu pir-e-sanam-KHana-e-asrar azal se
mehnat-kash o KHun-rez o kam-azar azal se
hai rakib-e-taqdir-e-jahan teri raza dekh!
The Spirit of the Earth Welcomes Adam
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
