ruh-e-iqbaal se

terī nazar meñ hai tamām rāz-e-hayāt qaum kā

tere nafas se murta.ish rāz-e-hayāt qaum kā

terī nazar kā nuur hai bazm-e-tajalliyāt meñ

jaan sī tū ne Daal dī paikar-e-kā.enāt meñ

dard hai mere dil meñ bhī tere dil-e-gudāz kā

naqsh hai nā-tamām abhī mastī-e-soz-o-sāz kā

rūh-e-hayāt-e-shā.erī tujh se hī kāmrāñ huī

merī hayāt nau-ba-nau rang se shādmāñ huī

sāz-e-azīmat-e-ḳhudī chheḌ salā-e-ām de

qaum-e-shikasta-hāl ko aa ke koī payām de

teri nazar mein hai tamam raaz-e-hayat qaum ka

tere nafas se murtaish raaz-e-hayat qaum ka

teri nazar ka nur hai bazm-e-tajalliyat mein

jaan si tu ne Dal di paikar-e-kaenat mein

dard hai mere dil mein bhi tere dil-e-gudaz ka

naqsh hai na-tamam abhi masti-e-soz-o-saz ka

ruh-e-hayat-e-shaeri tujh se hi kaamran hui

meri hayat nau-ba-nau rang se shadman hui

saz-e-azimat-e-KHudi chheD sala-e-am de

qaum-e-shikasta-haal ko aa ke koi payam de