saf laDki

vaah ye laḌkī hai kitnī paak saaf

saaf kapḌe saaf chehra naak saaf

mail dāñtoñ par na nāḳhun meñ kahīñ

aur kapḌoñ par kahīñ dhabba nahīñ

saaf suthre dhoyā motī haath paañv

chāhtā hai dil kaleje se lagā.ūñ

aao baby aao jaldī paas aao

ik maze kā pyaar ham ko de ke jaao

aate hī pahle kiyā us ne salām

phir jo pūchhā to batāyā apnā naam

god meñ le kar kiyā pahle to pyaar

phir kahā beTī maiñ tum par se nisār

aap kyā paḌhtī haiñ kyā kartī haiñ kaam

aap ke vālid kā hai kis jā maqām

bholī laḌkī ne diyā ham ko javāb

dūsrī urdu kī paḌhtī huuñ kitāb

first reader pahlī dīniyāt kī

aur kalām-ul-lāh saarā paḌh chukī

hifz hai kashf-ul-ḳhulāsa sab mujhe

yaad hai har sher kā matlab mujhe

saaf suthrī hai merī har ek chiiz

mujh ko ammāñ ne sikhā.ī ye tamīz

saaf bistar saaf kamra saaf ghar

maiñ ne pūchhā baat us kī kaaT kar

haath muñh kab dhotī ho us ne kahā

fajr-o-zohar asr-o-maġhrib aur ishā

pāñch vaqtoñ kī maiñ paḌhtī huuñ namāz

juutī ko lagtā nahīñ bol-o-barāz

chauthe din nahā kar badaltī huuñ libās

chhāvāñ sābun kañghī hai sab mere paas

daañt mere saaf bhī haiñ paak bhī

mere haañ manjan bhī hai misvāk bhī

aa.ī paḌhne ko aligarh saal haal

umr ke guzre haiñ mere aaTh saal

is se bhī kam thā bahut jab merā sin

saaf rakkhī jaatī thī maiñ raat din

mere vālid haiñ ġhulām panjatan

merā ghar hai Hyderabad dakan

sun ke us pākīza laḌkī ke javāb

maiñ nai diiñ kaifī duā.eñ be-hisāb

wah ye laDki hai kitni pak saf

saf kapDe saf chehra nak saf

mail danton par na naKHun mein kahin

aur kapDon par kahin dhabba nahin

saf suthre dhoya moti hath panw

chahta hai dil kaleje se lagaun

aao baby aao jaldi pas aao

ek maze ka pyar hum ko de ke jao

aate hi pahle kiya us ne salam

phir jo puchha to bataya apna nam

god mein le kar kiya pahle to pyar

phir kaha beTi main tum par se nisar

aap kya paDhti hain kya karti hain kaam

aap ke walid ka hai kis ja maqam

bholi laDki ne diya hum ko jawab

dusri urdu ki paDhti hun kitab

first reader pahli diniyat ki

aur kalam-ul-lah sara paDh chuki

hifz hai kashf-ul-KHulasa sab mujhe

yaad hai har sher ka matlab mujhe

saf suthri hai meri har ek chiz

mujh ko amman ne sikhai ye tamiz

saf bistar saf kamra saf ghar

main ne puchha baat us ki kaT kar

hath munh kab dhoti ho us ne kaha

fajr-o-zohar asr-o-maghrib aur isha

panch waqton ki main paDhti hun namaz

juti ko lagta nahin bol-o-baraaz

chauthe din naha kar badalti hun libas

chhawan sabun kanghi hai sab mere pas

dant mere saf bhi hain pak bhi

mere han manjan bhi hai miswak bhi

aai paDhne ko aligarh sal haal

umr ke guzre hain mere aaTh sal

is se bhi kam tha bahut jab mera sin

saf rakkhi jati thi main raat din

mere walid hain ghulam panjatan

mera ghar hai Hyderabad dakan

sun ke us pakiza laDki ke jawab

main nai din kaifi duaen be-hisab