saz-e-suKHan bahana hai

ġhubār-e-sub.h-o-shām meñ

tujhe to kyā

maiñ apnā aks dekh luuñ maiñ apnā ism soch luuñ

nahīñ mirī majāl bhī

ki laḌkhaḌā ke rah gayā mirā har ik savāl bhī

mirā har ik ḳhayāl bhī

maiñ bhī be-qarār o ḳhasta-tan

bas ik sharār-e-ishq merā pairahan

mirā nasīb ek harf-e-ārzū

vo ek harf-e-ārzū

tamām umr sau tarah likhūñ

mirā vajūd ik nigāh-e-be-sukūñ

nigāh jis ke paañv meñ haiñ beḌiyāñ paḌī huī

ghubar-e-subh-o-sham mein

tujhe to kya

main apna aks dekh lun main apna ism soch lun

nahin meri majal bhi

ki laDkhaDa ke rah gaya mera har ek sawal bhi

mera har ek KHayal bhi

main bhi be-qarar o KHasta-tan

bas ek sharar-e-ishq mera pairahan

mera nasib ek harf-e-arzu

wo ek harf-e-arzu

tamam umr sau tarah likhun

mera wajud ek nigah-e-be-sukun

nigah jis ke panw mein hain beDiyan paDi hui