sab se baDi ghalati

āñkhoñ ne mujhe dhokā diyā

to maiñ ne un meñ

banjar mausamoñ kī salā.iyāñ pher diiñ

lafzoñ ne mujhe dhokā diyā

to maiñ ne zabān ko

chup kī qabr meñ utaar diyā

ḳhayāloñ ne mujhe dhokā diyā

magar maiñ ne unheñ maaf kar diyā

ye soch kar ki agar sab se

ek jaisā sulūk kartā rahā

to mere saath kaun rah jā.egā

yahīñ maiñ ne zindagī kī sab se baḌī ġhalatī kī

ḳhayāl mujhe shā.erī se duniyā kī taraf le ga.e

unhoñ ne mere peT par bhuuk bāñdh dī

aur phir ek roTī ke evaz

mujhe qatl karā diyā

aankhon ne mujhe dhoka diya

to main ne un mein

banjar mausamon ki salaiyan pher din

lafzon ne mujhe dhoka diya

to main ne zaban ko

chup ki qabr mein utar diya

KHayalon ne mujhe dhoka diya

magar main ne unhen maf kar diya

ye soch kar ki agar sab se

ek jaisa suluk karta raha

to mere sath kaun rah jaega

yahin main ne zindagi ki sab se baDi ghalati ki

KHayal mujhe shaeri se duniya ki taraf le gae

unhon ne mere peT par bhuk bandh di

aur phir ek roTi ke ewaz

mujhe qatl kara diya