sabaat ek taghayyur ko hai zamane mein

uTho

siile kamre se bāhar ko niklo

vahāñ hai zamāna taġhayyur-pazīr

ki ham chāh-e-tārīk meñ

apnī āñkheñ na kho deñ

uTheñ jab

to sab chīzeñ badlī mileñ

aur saare tamāshe hameñ

ajnabī aañkh se ghūrte ham se pūchheñ

ki tum kaun ho

kis ajā.ib-kade se nikal aa.e ho

aur jab

apnī jebeñ TaToleñ

to sikke hamāre zar-o-sīm ke

qīmateñ kho chuke hoñ

hameñ ye ḳhabar mil rahī ho

ki ham ahd-e-rafta ke sahrā-e-hū meñ kahīñ

apne mauhūm-o-mub.ham hayūle kī bhī

jaane kab kī nafī kar chuke

uTho

sile kamre se bahar ko niklo

wahan hai zamana taghayyur-pazir

ki hum chah-e-tarik mein

apni aankhen na kho den

uThen jab

to sab chizen badli milen

aur sare tamashe hamein

ajnabi aankh se ghurte hum se puchhen

ki tum kaun ho

kis ajaib-kade se nikal aae ho

aur jab

apni jeben TaTolen

to sikke hamare zar-o-sim ke

qimaten kho chuke hon

hamein ye KHabar mil rahi ho

ki hum ahd-e-rafta ke sahra-e-hu mein kahin

apne mauhum-o-mubham hayule ki bhi

jaane kab ki nafi kar chuke