sada-e-tur

shahr-e-vīrāñ ke makīno

ye suno

tum faqat

naqsh-ba-dīvār rahe

mujh ko dekho ki maiñ

ā.īna banā

dekh rahā huuñ kab se

bahte dariyāoñ ke siine pe

jo mallāh haiñ kashtī meñ savār

aag lene ko

ka.ī baar ga.e the lekin

lauT aa.e the liye ko.elā aur raakh kā Dher

tuur se aa.ī sadā

aaj hairāñ huuñ ki jab

un kī vo kashtī huī

girdāb ke hāthoñ meñ asiir

Dūbte Dūbte

ubhre haiñ vo qindīl-ba-kaf

jis ke sho.ale kī zabāñ par hai likhā

maiñ ujāloñ kā naqīb

mujh ko thāme

jo baḌhoge

to suno

kal jahāñ

dhuup meñ lipTī thī

shaboñ kī rangat

aur jahāñ

ḳhvāb meñ

dīvāreñ kiyā kartī thiiñ

bāteñ ḳhud se

vahīñ

gūñjegī sadā kī ḳhushbū

qahqahe nuur ke

bikhreñge vahīñ

aaj phir

tuur se aatī hai sadā

shahr-e-vīrāñ ko

jo gulzār banānā hai

to phir

Duub jaane do unheñ

apne kaase meñ liye

ko.elā aur raakh kā Dher

aur agar vo jo kināre se lage

kaaT kar

sho.ala-e-afzūñ kī zabāñ

phir se kar leñge

ujāloñ ko asiir

shahr-e-viran ke makino

ye suno

tum faqat

naqsh-ba-diwar rahe

mujh ko dekho ki main

aaina bana

dekh raha hun kab se

bahte dariyaon ke sine pe

jo mallah hain kashti mein sawar

aag lene ko

kai bar gae the lekin

lauT aae the liye koela aur rakh ka Dher

tur se aai sada

aaj hairan hun ki jab

un ki wo kashti hui

girdab ke hathon mein asir

Dubte Dubte

ubhre hain wo qindil-ba-kaf

jis ke shoale ki zaban par hai likha

main ujalon ka naqib

mujh ko thame

jo baDhoge

to suno

kal jahan

dhup mein lipTi thi

shabon ki rangat

aur jahan

KHwab mein

diwaren kiya karti thin

baaten KHud se

wahin

gunjegi sada ki KHushbu

qahqahe nur ke

bikhrenge wahin

aaj phir

tur se aati hai sada

shahr-e-viran ko

jo gulzar banana hai

to phir

Dub jaane do unhen

apne kase mein liye

koela aur rakh ka Dher

aur agar wo jo kinare se lage

kaT kar

shoala-e-afzun ki zaban

phir se kar lenge

ujalon ko asir