sadiyon ka taghaful

mujh ko hairat hai tumheñ yaad na aa.ī merī

duur jaate hue ik baar na muḌ kar dekhā

kitnī sadiyoñ ke taġhāful ne diyā thā ik pal

kaise mumkin hai guzar jaa.e vo aahaT ke binā

dil ne ik baar bhī kyuuñ dī na duhā.ī merī

baar tum ko na lagā mujh se judā ho jaanā

maiñ ye samjhī thī ki maiñ rah na sakūñgī tujh bin

tujh se duurī kā tasavvur thā bahut an-jānā

phir bhī maiñ ḳhush huuñ ki is kār-gah-e-duniyā meñ

tum se milne ke liye vaqt ne rasta to diyā

is qadar mujh pe mehrbān ye qudrat to huī

saath pal-bhar kā sahī saath to paayā terā

mujh ko hairat hai tumhein yaad na aai meri

dur jate hue ek bar na muD kar dekha

kitni sadiyon ke taghaful ne diya tha ek pal

kaise mumkin hai guzar jae wo aahaT ke bina

dil ne ek bar bhi kyun di na duhai meri

bar tum ko na laga mujh se juda ho jaana

main ye samjhi thi ki main rah na sakungi tujh bin

tujh se duri ka tasawwur tha bahut an-jaana

phir bhi main KHush hun ki is kar-gah-e-duniya mein

tum se milne ke liye waqt ne rasta to diya

is qadar mujh pe mehrban ye qudrat to hui

sath pal-bhar ka sahi sath to paya tera