sadr-e-jamhuriya-e-hind

sadr-e-jamhūriya-e-hind

yaqīnan aap faḳhruddīn bhī nāz-e-umam bhī haiñ

alī-ahmad bhī haiñ āgāh ādāb-e-haram bhī haiñ

vaqār-e-hosh bhī azmat-faroz-e-ilm-o-dānish bhī

girāmī-qadr bhī zī-tamkanat bhī mohtaram bhī haiñ

tab-o-tāb-e-chaman bhī zauq-e-tamkīn-e-bahārāñ bhī

jahān-e-shauq kā afsāna-e-jāh-o-hasham bhī haiñ

karishma hai ḳhudā kā aap ke ausāf ke qaa.il

dayār-e-barahman ke devtā bhī haiñ sanam bhī haiñ

taqaddus mauj-e-dariyā kā latāfat ābgīne kī

mujassam shaukat-e-daurāñ sarāpā jām-e-jam bhī haiñ

jalāl-e-barq bhī haiñ zālimoñ ke vāste lekin

ġharīboñ ke liye sarmāya-e-lutf-o-karam bhī haiñ

jo nisbat aap ko 'ġhālib' se hai us ke ta.alluq se

qadam-bosī ke ḳhvāhāñ sāhib-e-saif-o-qalam bhī haiñ

sadr-e-jamhuriya-e-hind

yaqinan aap faKHruddin bhi naz-e-umam bhi hain

ali-ahmad bhi hain aagah aadab-e-haram bhi hain

waqar-e-hosh bhi azmat-faroz-e-ilm-o-danish bhi

girami-qadr bhi zi-tamkanat bhi mohtaram bhi hain

tab-o-tab-e-chaman bhi zauq-e-tamkin-e-bahaaran bhi

jahan-e-shauq ka afsana-e-jah-o-hasham bhi hain

karishma hai KHuda ka aap ke ausaf ke qail

dayar-e-barahman ke dewta bhi hain sanam bhi hain

taqaddus mauj-e-dariya ka latafat aabgine ki

mujassam shaukat-e-dauran sarapa jam-e-jam bhi hain

jalal-e-barq bhi hain zalimon ke waste lekin

gharibon ke liye sarmaya-e-lutf-o-karam bhi hain

jo nisbat aap ko 'ghaalib' se hai us ke talluq se

qadam-bosi ke KHwahan sahib-e-saif-o-qalam bhi hain