safar nama

1

pecking

yuuñ gumāñ hotā hai baazū haiñ mire saath karoḌ

aur āfāq kī had tak mire tan kī had hai

dil mirā koh o daman dasht o chaman kī had hai

mere kiise meñ hai rātoñ kā siyah-fām jalāl

mere hāthoñ meñ hai sub.hoñ kī enān-e-gulgūñ

merī āġhosh meñ paltī hai ḳhudā.ī saarī

mere maqdūr meñ hai mojiza-e-kun-fayakūñ

2

xinjiang

ab koī tabl bajegā na koī shāh-savār

sub.h-dam maut kī vaadī ko ravāna hogā!

ab koī jañg na hogī na kabhī raat ga.e

ḳhuun kī aag ko ashkoñ se bujhānā hogā

koī dil dhaḌkegā shab bhar na kisī āñgan meñ

vahm manhūs parinde kī tarah aa.egā

sahm ḳhuñḳhār darinde kī tarah aa.egā

ab koī jañg na hogī mai-o-sāġhar laao

ḳhuuñ luTānā na kabhī ashk bahānā na hogā

sāqiyā! raqs koī raqs-e-sabā kī sūrat

mutribā! koī ġhazal rañg-e-hinā kī sūrat

1

pecking

yun guman hota hai bazu hain mere sath karoD

aur aafaq ki had tak mere tan ki had hai

dil mera koh o daman dasht o chaman ki had hai

mere kise mein hai raaton ka siyah-fam jalal

mere hathon mein hai subhon ki enan-e-gulgun

meri aaghosh mein palti hai KHudai sari

mere maqdur mein hai mojiza-e-kun-fayakun

2

xinjiang

ab koi tabl bajega na koi shah-sawar

subh-dam maut ki wadi ko rawana hoga!

ab koi jang na hogi na kabhi raat gae

KHun ki aag ko ashkon se bujhana hoga

koi dil dhaDkega shab bhar na kisi aangan mein

wahm manhus parinde ki tarah aaega

sahm KHunKHar darinde ki tarah aaega

ab koi jang na hogi mai-o-saghar lao

KHun luTana na kabhi ashk bahana na hoga

saqiya! raqs koi raqs-e-saba ki surat

mutriba! koi ghazal rang-e-hina ki surat