sahar

ḳhāndān-e-gurūnānak kā dulārā tū hai

rashk ḳhurshīd kare aisā sitārā tū hai

husn-e-kirdār meñ aisā hai jamāl-e-tasḳhīr

jo bhī dekhe vo kahe sirf hamārā tū hai

shā.irī tire taḳhayyul kī rahegī muhtāj

mahfil-e-ilm-o-adab tujh se rahegī raushan

tire ash.ār-e-guhar-bār adab kī zīnat

naaz kartī hai tire naam pe lailā-e-suḳhan

tire afkār se nikhrā hai jamāl urdu kā

tirī taḳh.īl se lahkā hai fasāhat kā chaman

sher-o-naġhma haiñ tirī rāh-e-tavajjoh meñ bichhe

ḳhair-maqdam meñ tire rang pe hai rang-bhavan

shām-e-rañgīñ kī hasīñ chhāñv meñ ye jashn-e-‘sahar’

jaise jalvoñ meñ sajā.ī huī shahroñ dulhan

KHandan-e-gurunanak ka dulara tu hai

rashk KHurshid kare aisa sitara tu hai

husn-e-kirdar mein aisa hai jamal-e-tasKHir

jo bhi dekhe wo kahe sirf hamara tu hai

shairi tere taKHayyul ki rahegi muhtaj

mahfil-e-ilm-o-adab tujh se rahegi raushan

tere ashaar-e-guhar-bar adab ki zinat

naz karti hai tere nam pe laila-e-suKHan

tere afkar se nikhra hai jamal urdu ka

teri taKHil se lahka hai fasahat ka chaman

sher-o-naghma hain teri rah-e-tawajjoh mein bichhe

KHair-maqdam mein tere rang pe hai rang-bhawan

sham-e-rangin ki hasin chhanw mein ye jashn-e-‘sahar’

jaise jalwon mein sajai hui shahron dulhan