salam logo

salām ai dil-figār logo

salām ai ashk-bār logo

tumhī ne apnā vatan bachāyā

tumhī ne bātil kā sar jhukāyā

bujhā ke sham-e-hayāt apnī

vafā kī rāhoñ ko jagmagāyā

magar ye dil ro ke kah rahā hai

lahū tumhārā na rañg laayā

vahī hai shab kā hisār logo

salām ai ashk-bār logo

guloñ kī vaadī lahū lahū hai

fuġhāñ kī āvāz chār-sū hai

haiñ is qadar tishna-kām mai-kash

har ek lab par subū subū hai

nishān-e-manzil hai khoyā khoyā

luTā luTā shahr-e-ārzū hai

bujhe bujhe haiñ dayār logo

salām ai ashk-bār logo

tumhāre dam se harī zamīneñ

ḳhushī se dāman-bharī mashīneñ

haiñ us ke bā-vasf bhīgī bhīgī

tumhārī ashkoñ se āstīneñ

maiñ sochtā huuñ raheñgī kab tak

sitam ke aage jhukī jabīneñ

uThāo sar sogvār logo

salām ai ashk-bār logo

salam ai dil-figar logo

salam ai ashk-bar logo

tumhi ne apna watan bachaya

tumhi ne baatil ka sar jhukaya

bujha ke sham-e-hayat apni

wafa ki rahon ko jagmagaya

magar ye dil ro ke kah raha hai

lahu tumhaara na rang laya

wahi hai shab ka hisar logo

salam ai ashk-bar logo

gulon ki wadi lahu lahu hai

fughan ki aawaz chaar-su hai

hain is qadar tishna-kaam mai-kash

har ek lab par subu subu hai

nishan-e-manzil hai khoya khoya

luTa luTa shahr-e-arzu hai

bujhe bujhe hain dayar logo

salam ai ashk-bar logo

tumhaare dam se hari zaminen

KHushi se daman-bhari mashinen

hain us ke ba-wasf bhigi bhigi

tumhaari ashkon se aastinen

main sochta hun rahengi kab tak

sitam ke aage jhuki jabinen

uThao sar sogwar logo

salam ai ashk-bar logo