saliben

zamāne kī raftār se tang aa kar

salībeñ uThā.e sabhī chal rahe haiñ

ġhamoñ kī salībeñ dukhoñ kī salībeñ

salībeñ uThā.e sabhī jī rahe haiñ

ki zahr-e-haqīqat sabhī pī rahe haiñ

magar haif-sad-haif saare jahāñ meñ

koī bhī kisī kā masīhā nahīñ hai

zamāne ke hālāt se kyā laḌeñge

diloñ pe jafāoñ ke koḌe paḌeñge

nigāhoñ se namnāk motī jhaḌeñge

zamāne kī raftār se tañg aa kar

salībeñ uThā.e sabhī chal rahe haiñ

magar ham meñ shauq-e-shahādat nahīñ hai

nizām-e-ġhalat se baġhāvat nahīñ hai

sadāqat kā 'rāhī' bahut duur hogā

na iisā hai koī na mansūr hogā

rivāyāt ke zahr meñ ghol kar yuuñ

lahū piine vāloñ kī ifrāt hogī

magar shaḳhsiyat kaun suqrāt hogī

ġhamoñ kī salībeñ dukhoñ kī salībeñ

salībeñ uThā.e sabhī chal rahe haiñ

zamane ki raftar se tang aa kar

saliben uThae sabhi chal rahe hain

ghamon ki saliben dukhon ki saliben

saliben uThae sabhi ji rahe hain

ki zahr-e-haqiqat sabhi pi rahe hain

magar haif-sad-haif sare jahan mein

koi bhi kisi ka masiha nahin hai

zamane ke haalat se kya laDenge

dilon pe jafaon ke koDe paDenge

nigahon se namnak moti jhaDenge

zamane ki raftar se tang aa kar

saliben uThae sabhi chal rahe hain

magar hum mein shauq-e-shahadat nahin hai

nizam-e-ghalat se baghawat nahin hai

sadaqat ka 'rahi' bahut dur hoga

na isa hai koi na mansur hoga

riwayat ke zahr mein ghol kar yun

lahu pine walon ki ifraat hogi

magar shaKHsiyat kaun suqraat hogi

ghamon ki saliben dukhon ki saliben

saliben uThae sabhi chal rahe hain