saliqa shart hai bas

salīqa shart hai bas

agar itnā hunar bhī siikh leñ ham

ki ik ḳhargosh ko kaise uThāyā jaa.e kānoñ se pakaḌ kar

ki ik billī ke bachche ko agar ham chheḌnā chāheñ

to gardan par vahāñ chuTkī bhareñ

jahāñ se maañ use muñh meñ dabā kar ghar badaltī hai

to phir sab ko yahāñ tafrīh ke sāmāñ muhayyā haiñ

to phir chhoTā baḌā koī

shikāyat kar nahīñ saktā

khilaunoñ kī

saliqa shart hai bas

agar itna hunar bhi sikh len hum

ki ek KHargosh ko kaise uThaya jae kanon se pakaD kar

ki ek billi ke bachche ko agar hum chheDna chahen

to gardan par wahan chuTki bharen

jahan se man use munh mein daba kar ghar badalti hai

to phir sab ko yahan tafrih ke saman muhayya hain

to phir chhoTa baDa koi

shikayat kar nahin sakta

khilaunon ki