salma

bahār-e-husn kā tū ġhuncha-e-shādāb hai salmā

tujhe fitrat ne apne dast-e-rañgīñ se sañvārā hai

bahisht-e-rang-o-bū kā tū sarāpā ik nazāra hai

tirī sūrat sarāsar paikar-e-mahtāb hai salmā

tirā jism ik hujūm-e-resham-o-kam-ḳhvāb hai salmā

shabistān-e-javānī kā tū ik zinda sitāra hai

tū is duniyā meñ bahr-e-husn-e-fitrat kā kināra hai

tū is sansār meñ ik āsmānī ḳhvāb hai salmā

jahān-e-quds kā tū ek firdausī fasāna hai

tujhe misr-e-jamāl-o-nāz kī ik sāhira kahiye

sanam-ābād iffat kī muqaddas kāfira kahiye

rabāb-e-husn kā tū ek ilhāmī tarāna hai

paristān-e-latāfat kī tū ik rangīñ kahānī hai

javāñ fitrat kā tū ik gum-shuda ḳhvāb-e-javānī hai

bahaar-e-husn ka tu ghuncha-e-shadab hai salma

tujhe fitrat ne apne dast-e-rangin se sanwara hai

bahisht-e-rang-o-bu ka tu sarapa ek nazara hai

teri surat sarasar paikar-e-mahtab hai salma

tera jism ek hujum-e-resham-o-kam-KHwab hai salma

shabistan-e-jawani ka tu ek zinda sitara hai

tu is duniya mein bahr-e-husn-e-fitrat ka kinara hai

tu is sansar mein ek aasmani KHwab hai salma

jahan-e-quds ka tu ek firdausi fasana hai

tujhe misr-e-jamal-o-naz ki ek sahira kahiye

sanam-abaad iffat ki muqaddas kafira kahiye

rabab-e-husn ka tu ek ilhami tarana hai

paristan-e-latafat ki tu ek rangin kahani hai

jawan fitrat ka tu ek gum-shuda KHwab-e-jawani hai