samajh mein kuchh nahin aata

hameñ kis haath kī mahbūb rekhāoñ meñ rahnā thā

kis dil meñ utarnā thā

chamaknā thā kin āñkhoñ meñ

kahāñ par phuul banñā thā

to kab ḳhushbū kī sūrat kū-e-jānāñ se guzarnā thā

samajh meñ kuchh nahīñ aatā

hameñ kis qarya-e-āb-o-havā ke sañg rahnā thā

kahāñ shāmeñ guzarnī thiiñ

kahāñ mahtāb rātoñ meñ kisī ko yaad karnā thā

kisī ko bhuul jaanā thā

kahāñ par sub.h kā āġhāz karnā thā kahāñ sūraj nikalnā thā

safar ke dasht meñ tanhā thake-hāre musāfir ko

kahāñ ḳhema lagānā thā

kahāñ dariyā meñ kashtī Dālnā thī aur kis sāhil utarnā thā

samajh meñ kuchh nahīñ aatā

hameñ kis qarya-e-āb-o-havā ke sañg rahnā thā

hamein kis hath ki mahbub rekhaon mein rahna tha

kis dil mein utarna tha

chamakna tha kin aankhon mein

kahan par phul banna tha

to kab KHushbu ki surat ku-e-jaanan se guzarna tha

samajh mein kuchh nahin aata

hamein kis qarya-e-ab-o-hawa ke sang rahna tha

kahan shamen guzarni thin

kahan mahtab raaton mein kisi ko yaad karna tha

kisi ko bhul jaana tha

kahan par subh ka aaghaz karna tha kahan suraj nikalna tha

safar ke dasht mein tanha thake-haare musafir ko

kahan KHema lagana tha

kahan dariya mein kashti Dalna thi aur kis sahil utarna tha

samajh mein kuchh nahin aata

hamein kis qarya-e-ab-o-hawa ke sang rahna tha