sanjiw sarraf ke liye ek nazm

azm-e-shāhīnī liye ik naujavāñ sanjīv hai

ab mirī urdu kā sachchā pāsbāñ sanjīv hai

reḳhta ke ho tumhīñ ustād ġhālib aaj bhī

haañ magar is baaġh kā ab bāġhbāñ sanjīv hai

jis meñ lākhoñ haiñ sitāre shā.irī-o-nasr ke

is na.ī ik kahkashāñ kā āsmāñ sanjīv hai

ḳhūb-rū hai ḳhūb-sīrat narm-guftārī bhī hai

bā-adab tahzīb kā sail-e-ravāñ sanjīv hai

vo akelā hī chalā thā jānib-e-manzil magar

ab to kitne qāfiloñ kā kārvāñ sanjīv hai

jis ke dil meñ zehn meñ sāñsoñ meñ hai saarā adab

reḳhta jaisī hasīna kī zabāñ sanjīv hai

kal vafā urdu se us kī surḳh-rū ho jā.egī

dāstānoñ meñ chhupī ik dāstāñ sanjīv hai

jis meñ shirkat ke liye be-tāb hai saarā jahāñ

jashn-e-urdu kā bhī mīr-e-kārvāñ sanjīv hai

bhar rahā hai reḳhta gāgar meñ vo saarā adab

yuuñ lage 'az.har' mujhe saarā jahāñ sanjīv hai

azm-e-shahini liye ek naujawan sanjiw hai

ab meri urdu ka sachcha pasban sanjiw hai

reKHta ke ho tumhin ustad ghaalib aaj bhi

han magar is bagh ka ab baghban sanjiw hai

jis mein lakhon hain sitare shairi-o-nasr ke

is nai ek kahkashan ka aasman sanjiw hai

KHub-ru hai KHub-sirat narm-guftari bhi hai

ba-adab tahzib ka sail-e-rawan sanjiw hai

wo akela hi chala tha jaanib-e-manzil magar

ab to kitne qafilon ka karwan sanjiw hai

jis ke dil mein zehn mein sanson mein hai sara adab

reKHta jaisi hasina ki zaban sanjiw hai

kal wafa urdu se us ki surKH-ru ho jaegi

dastanon mein chhupi ek dastan sanjiw hai

jis mein shirkat ke liye be-tab hai sara jahan

jashn-e-urdu ka bhi mir-e-karwan sanjiw hai

bhar raha hai reKHta gagar mein wo sara adab

yun lage 'azhar' mujhe sara jahan sanjiw hai