sanjiwni

be-sabab jaane kyoñ us roz tabī'at thī udaas

surma.ī shaam thī dilkash thī shafaq kī laalī

ḳhush-navā shoḳh parindoñ kī bhī sargoshī thī

nik.hateñ sabza-e-nau-ḳhez pe thiiñ mast-e-ḳhirām

raqs-āmāda the sarmast havā ke jhoñke

aur dariyā kī ḳhush-āhang machaltī maujeñ

ḳhunuk vaadī meñ tarannum ho ramīda jaise

har taraf husn-e-tarab-ḳhez kā 'ālam thā magar

jaane kyā baat thī us roz tabī'at thī udaas

shaam Dhalne ko thī baiThā thā maiñ sāhil ke qarīb

munhamik kapḌe badalne meñ thī vo ġhusl ke baa'd

tar-ba-tar bhīgī huī saarī meñ badmast shabāb

gore gadrā.e hue sīnoñ kā bharpūr gudāz

ubhre ubhre se kaToroñ ke kattha.ī buuTe

atlasī gāloñ pe paanī ke sīm-gūñ qatre

nargisī āñkhoñ ke pyāloñ meñ sharāb-e-ahmar

shoḳh yāqūt-fām hoñT kamāl-e-āzar

piñDliyāñ kūlhe kamar naaf ilāhī tauba

kāsnī dhuup ke partav meñ dam-e-añgḌā.ī

aisī ausān-rubā sāñvlī venus ki jise

shaiḳh bhī dekh le ik baar to taqvā bhūle

dekhte dekhte nabzoñ meñ harārat phūTī

thā jo ā'sāb pe yak-bārgī TuuTā vo jumūd

sar uThāne lage bebāk sar-phire jazbāt

is tarah dil meñ sulagne lage ḳhvāhish ke alaav

jaise shiryānoñ meñ raqsāñ koī chingārī ho

jaise sanjīvnī buuTī kī sehr-kārī ho

be-sabab jaane kyon us roz tabi'at thi udas

surmai sham thi dilkash thi shafaq ki lali

KHush-nawa shoKH parindon ki bhi sargoshi thi

nikhaten sabza-e-nau-KHez pe thin mast-e-KHiram

raqs-amada the sarmast hawa ke jhonke

aur dariya ki KHush-ahang machalti maujen

KHunuk wadi mein tarannum ho ramida jaise

har taraf husn-e-tarab-KHez ka 'alam tha magar

jaane kya baat thi us roz tabi'at thi udas

sham Dhalne ko thi baiTha tha main sahil ke qarib

munhamik kapDe badalne mein thi wo ghusl ke ba'd

tar-ba-tar bhigi hui sari mein badmast shabab

gore gadrae hue sinon ka bharpur gudaz

ubhre ubhre se kaToron ke katthai buTe

atlasi galon pe pani ke sim-gun qatre

nargisi aankhon ke pyalon mein sharab-e-ahmar

shoKH yaqut-fam honT kamal-e-azar

pinDliyan kulhe kamar naf ilahi tauba

kasni dhup ke partaw mein dam-e-angDai

aisi ausan-ruba sanwli wenus ki jise

shaiKH bhi dekh le ek bar to taqwa bhule

dekhte dekhte nabzon mein hararat phuTi

tha jo aa'sab pe yak-bargi TuTa wo jumud

sar uThane lage bebak sar-phire jazbaat

is tarah dil mein sulagne lage KHwahish ke alaw

jaise shiryanon mein raqsan koi chingari ho

jaise sanjiwni buTi ki sehr-kari ho