sanpole

banī-ādam

tumheñ kuchh yaad bhī hai

jab tumheñ raushan nishānī dī ga.ī thī

ghamanDī tīrgī ko

jab guphāoñ meñ jalā kar

marġh-zāroñ ko bahāroñ se sajāyā jā rahā thā

tum apne saath ik raushan nishānī

aur guphāoñ kī virāsat le ke aa.e the

tumhāre saath thoḌe saañp bhī the

jinhoñ ne apne virse ko

guphāoñ se mahakte marġh-zāroñ tak

zamīnoñ se samundar tak

havāoñ se ḳhalāoñ tak sañbhālā hai

tumheñ mālūm hai kyā

tumhāre paas to bas ek izn-e-raushnī hai

aur un ke paas hai ik sarmadī nusḳha

guphāoñ kī virāsat kā

tumhārī sab matā-e-dīn-o-dānish

aql-o-āzādī kā virsa

un ke virse ke muqābil kuchh nahīñ kuchh bhī nahīñ

aur jo tumhāre paas hai

vo bhī unhī kī dastaras meñ hai

tumhārā kuchh nahīñ kuchh bhī nahīñ

tumhārī sab matā-e-be-bahā

phir se guphāoñ kī amānat ho ga.ī hai

aur vo saañp us ke pahre-dār

bani-adam

tumhein kuchh yaad bhi hai

jab tumhein raushan nishani di gai thi

ghamanDi tirgi ko

jab guphaon mein jala kar

margh-zaron ko bahaaron se sajaya ja raha tha

tum apne sath ek raushan nishani

aur guphaon ki wirasat le ke aae the

tumhaare sath thoDe sanp bhi the

jinhon ne apne wirse ko

guphaon se mahakte margh-zaron tak

zaminon se samundar tak

hawaon se KHalaon tak sanbhaala hai

tumhein malum hai kya

tumhaare pas to bas ek izn-e-raushni hai

aur un ke pas hai ek sarmadi nusKHa

guphaon ki wirasat ka

tumhaari sab mata-e-din-o-danish

aql-o-azadi ka wirsa

un ke wirse ke muqabil kuchh nahin kuchh bhi nahin

aur jo tumhaare pas hai

wo bhi unhi ki dastaras mein hai

tumhaara kuchh nahin kuchh bhi nahin

tumhaari sab mata-e-be-baha

phir se guphaon ki amanat ho gai hai

aur wo sanp us ke pahre-dar