dhund

jab december meñ dhund utartī hai

apne asrār meñ lipaTtī huii, tah-ba-tah ham pe faash hotī huī

ye kisī yaad ke december se dil kī saḌkoñ pe aa nikaltī hai

raah to raah dil nahīñ miltā dhund jab ham meñ aa Thahartī hai

kaif kī sub.h-e-ḳhush-muqaddar meñ, ye dar-e-rāz ham pe khultā hai

jaise dil se kisī payambar ke, rab kī pahlī vahī guzartī hai

raah chalte hue musāfir par yuuñ december meñ dhund utartī hai

baaġh bhii, raah bhii, musāfir bhī raaz ke ik maqām meñ chup haiñ

dhund in sab se baat kartī hai aur ye ehtirām meñ chup haiñ

dhund meñ ik namī kā bosa hai

merī āsūdgī ke hāthoñ par ek bisrī kamī kā bosa hai

ek bhūlī huī kamī jaise, dhund meñ yaad kī namī jaise

mere hāthoñ meñ haath Daale hue merī ā.ankhoñ se baat kartī hai

apne asrār meñ lipaTtī huī jab december meñ dhund utartī hai

jab december mein dhund utarti hai

apne asrar mein lipaTti hui, tah-ba-tah hum pe fash hoti hui

ye kisi yaad ke december se dil ki saDkon pe aa nikalti hai

rah to rah dil nahin milta dhund jab hum mein aa Thaharti hai

kaif ki subh-e-KHush-muqaddar mein, ye dar-e-raaz hum pe khulta hai

jaise dil se kisi payambar ke, rab ki pahli wahi guzarti hai

rah chalte hue musafir par yun december mein dhund utarti hai

bagh bhi, rah bhi, musafir bhi raaz ke ek maqam mein chup hain

dhund in sab se baat karti hai aur ye ehtiram mein chup hain

dhund mein ek nami ka bosa hai

meri aasudgi ke hathon par ek bisri kami ka bosa hai

ek bhuli hui kami jaise, dhund mein yaad ki nami jaise

mere hathon mein hath Dale hue meri aaankhon se baat karti hai

apne asrar mein lipaTti hui jab december mein dhund utarti hai