sargoshi

har ek saañs meñ sargoshiyāñ haiñ nauhoñ kī

kisī bhī lab pe koī jāñ-fazā tarāna nahīñ

simaT simaT ga.ī añgḌā.iyoñ kī pahnā.ī

hikāyat-e-ġham-e-daurāñ koī fasāna nahīñ

jo zulm ham pe huā hai ab us kā zikr hī kyā

yahāñ pe ham hī sitam-ḳhurda-e-zamāna nahīñ

shikast-e-sāz-e-mohabbat se sozish-e-ġham se

har ek āriz-e-gulgūñ se shabnam-ālūda

ma.āl-e-ahd-e-vafā hai firāq-e-dīda-o-dil

naqīb-e-daur-e-guzishta hai daur-e-maujūda

har ek sans mein sargoshiyan hain nauhon ki

kisi bhi lab pe koi jaan-faza tarana nahin

simaT simaT gai angDaiyon ki pahnai

hikayat-e-gham-e-dauran koi fasana nahin

jo zulm hum pe hua hai ab us ka zikr hi kya

yahan pe hum hi sitam-KHurda-e-zamana nahin

shikast-e-saz-e-mohabbat se sozish-e-gham se

har ek aariz-e-gulgun se shabnam-aluda

maal-e-ahd-e-wafa hai firaq-e-dida-o-dil

naqib-e-daur-e-guzishta hai daur-e-maujuda