sarhaden

ye sarhadeñ.... paḌosaneñ

kabhī hañsī-ḳhushī rahīñ

kabhī zarā sī baat ho to laḌ paḌīñ

na āñganoñ meñ ek saath raqs ho

na baam par hī bāhamī qadam paḌe

galī meñ koī khel ho

na taal ho, na mel ho

kashīdgī ke naam par ghuTan kī rel-pel ho

ye sarhadeñ.... paḌosaneñ

paḌosanoñ se kyā kaheñ

jahāñ meñ ranjishoñ ke sab glacier pighal ga.e

magar yahāñ kudūratoñ kī barf hai jamī huī

havā se kis tarah kaheñ

chale to sirf ek hī taraf chale

ye dhuup bhī to kab kisī ke bas meñ hai

ki parbatoñ ko sarhadoñ meñ baañT de

ye ḳhār-dār dā.ere kahīñ bhī khīñchte chalo

magar kabhī koī sadā bhī ruk sakī

ye ḳhushbuoñ ke qāfile

raheñge har taraf ravāñ

galī meñ aa hī jā.eñgī

mohabbatoñ kī titliyāñ

ye sarhadeñ.... paḌosaneñ

baneñgī phir saheliyāñ....!

ye sarhaden paDosanen

kabhi hansi-KHushi rahin

kabhi zara si baat ho to laD paDin

na aanganon mein ek sath raqs ho

na baam par hi bahami qadam paDe

gali mein koi khel ho

na tal ho, na mel ho

kashidgi ke nam par ghuTan ki rel-pel ho

ye sarhaden paDosanen

paDosanon se kya kahen

jahan mein ranjishon ke sab glacier pighal gae

magar yahan kuduraton ki barf hai jami hui

hawa se kis tarah kahen

chale to sirf ek hi taraf chale

ye dhup bhi to kab kisi ke bas mein hai

ki parbaton ko sarhadon mein banT de

ye KHar-dar daere kahin bhi khinchte chalo

magar kabhi koi sada bhi ruk saki

ye KHushbuon ke qafile

rahenge har taraf rawan

gali mein aa hi jaengi

mohabbaton ki titliyan

ye sarhaden paDosanen

banengi phir saheliyan!