sarojini-naidu

aziiz maañ mirī hañsmukh mirī bahādur maañ

tamām jauhar-e-fitrat jagā diye tū ne

mohabbat apne chaman se guloñ se ḳhāroñ se

mohabbatoñ ke ḳhazāne luTā diye tū ne

banā banā ke miTā.e ga.e nuqūsh-e-amal

tire baġhair mukammal na ho sakī tasvīr

vo ḳhvāb jhāñsī kī raanī ko jis ne chauñkāyā

tirā gihād-e-musalsal usī kī hai ta.abīr

use hayāt kā sola siñgār kahte haiñ

tirī jabīñ pe haiñ kuchh silvaTeñ bhī Tiikā bhī

nazar meñ jazb-e-yaqīñ dil meñ soz-e-āzādī

dahaktā phuul bhī hai tū mahaktā sho.ala bhī

zarā zamīn ko mehvar pe ghuum lene de

samāj tujh se tirā soz-o-sāz māñgegī

jamāl sīkhegā ḳhud-e'timādiyāñ tujh se

hayāt-e-nau tire dil kā gudāz māñgegī

aziz man meri hansmukh meri bahadur man

tamam jauhar-e-fitrat jaga diye tu ne

mohabbat apne chaman se gulon se KHaron se

mohabbaton ke KHazane luTa diye tu ne

bana bana ke miTae gae nuqush-e-amal

tere baghair mukammal na ho saki taswir

wo KHwab jhansi ki rani ko jis ne chaunkaya

tera gihad-e-musalsal usi ki hai tabir

use hayat ka sola singar kahte hain

teri jabin pe hain kuchh silwaTen bhi Tika bhi

nazar mein jazb-e-yaqin dil mein soz-e-azadi

dahakta phul bhi hai tu mahakta shoala bhi

zara zamin ko mehwar pe ghum lene de

samaj tujh se tera soz-o-saz mangegi

jamal sikhega KHud-e'timadiyan tujh se

hayat-e-nau tere dil ka gudaz mangegi