sarosh

ye samundar

mauj-dar-mauj salāsil

halke gahre sabz niile rañg

jin par jā-ba-jā chāñdī ke dhabbe

us kināre par gulābī rañg meñ Duubā huā ik gol chehra

phailte paanī meñ apne ātishīñ hoñToñ kī surḳhī gholtā jaa.e

maiñ ik sone kī kashtī meñ savār

un hasīñ rañgoñ meñ mad.hosh

us kināre kī taraf baḌhtā chalā jaatā huuñ

duur sat.h-e-āb par vo ek bagloñ kī qatār

ye samundar ke rishī gyānī

jo paanī ke har ik sur-tāl se āgāh haiñ

ab tak ye be-fikrī se maujoñ par savār

tairte jaate the

kyuuñ phir daf.atan

Tolī banā kar uḌ ga.e

maiñ nazar ke taar par raqsāñ

vo naġhmoñ ke suroñ meñ gum

ye samundar

mauj-dar-mauj salasil

halke gahre sabz nile rang

jin par ja-ba-ja chandi ke dhabbe

us kinare par gulabi rang mein Duba hua ek gol chehra

phailte pani mein apne aatishin honTon ki surKHi gholta jae

main ek sone ki kashti mein sawar

un hasin rangon mein madhosh

us kinare ki taraf baDhta chala jata hun

dur sath-e-ab par wo ek baglon ki qatar

ye samundar ke rishi gyani

jo pani ke har ek sur-tal se aagah hain

ab tak ye be-fikri se maujon par sawar

tairte jate the

kyun phir dafatan

Toli bana kar uD gae

main nazar ke tar par raqsan

wo naghmon ke suron mein gum