sawal

ek patthar pe baiThe hue

jhiil meñ paañv Daale

maiñ ye sochtā huuñ

shab-o-roz kā ye tamāshā bhī kyoñ hai

āsmāñ kī bulandī

jo ik an-chhuā raaz hai

vo kyā hai

mere vijdān ne

ruuh kī be-qarārī ko taskīn dene kī ḳhātir banāyā

ḳhudā hai

ḳhudā hai zamīñ hai zamāñ hai

shab-o-roz haiñ chāñd sūraj sitāre

āsmāñ kī bulandī jo ik an-chhuā raaz hai

har ghaḌī in hazāroñ baras kī har ik chiiz ke darmiyāñ

zamāne kā badlā huā sā kuchh andāz hai

kā.enāt ik ajab bhed se pur koī dilrubā hai

aur in sab ke mābain koī batā.e

ki mere tashaḳhḳhus kā hai kuchh havāla

to kyā hai

ek patthar pe baiThe hue

jhil mein panw Dale

main ye sochta hun

shab-o-roz ka ye tamasha bhi kyon hai

aasman ki bulandi

jo ek an-chhua raaz hai

wo kya hai

mere wijdan ne

ruh ki be-qarari ko taskin dene ki KHatir banaya

KHuda hai

KHuda hai zamin hai zaman hai

shab-o-roz hain chand suraj sitare

aasman ki bulandi jo ek an-chhua raaz hai

har ghaDi in hazaron baras ki har ek chiz ke darmiyan

zamane ka badla hua sa kuchh andaz hai

kaenat ek ajab bhed se pur koi dilruba hai

aur in sab ke mabain koi batae

ki mere tashaKHKHus ka hai kuchh hawala

to kya hai