sawal-o-jawab kaun kare

zikr-e-ahd-e-shabāb kaun kare

hasratoñ kā hisāb kaun kare

ranj-e-māzī ko yaad kar kar ke

dil ko apne kabāb kaun kare

husn ko be-naqāb kaun kare

ishq ko bā-hijāb kaun kare

shauq-e-shurb-e-sharāb kaun kare

aisā kār-e-savāb kaun kare

dil ko isyāñ-navāz kaun kare

āqibat ko ḳharāb kaun kare

rang-e-hastī sarāb-āsā hai

e.atibār-e-sarāb kaun kare

roke baiThe haiñ jo nasīboñ ko

yaad un ko janāb kaun kare

lab pe apne hai mohr-e-ḳhāmoshī

phir savāl-o-javāb kaun kare

zikr-e-ahd-e-shabab kaun kare

hasraton ka hisab kaun kare

ranj-e-mazi ko yaad kar kar ke

dil ko apne kabab kaun kare

husn ko be-naqab kaun kare

ishq ko ba-hijab kaun kare

shauq-e-shurb-e-sharab kaun kare

aisa kar-e-sawab kaun kare

dil ko isyan-nawaz kaun kare

aaqibat ko KHarab kaun kare

rang-e-hasti sarab-asa hai

eatibar-e-sarab kaun kare

roke baiThe hain jo nasibon ko

yaad un ko janab kaun kare

lab pe apne hai mohr-e-KHamoshi

phir sawal-o-jawab kaun kare