shair

ai dost mire paas nahīñ la.al-o-javāhar

tū dekh ki kis darja hai saada mirī poshāk

lekin mujhe qudrat ne atā kī hai faqīrī

is baat kā shāhid hai mirā dāman-e-sad-chāk

har-chand ki kam-māya huuñ duniyā kī nazar meñ

iqlīm-e-suḳhan meñ hai mirī baiThī huī dhaak

har rañg-e-zamāna se huuñ is umr meñ vāqif

raftār-e-zamāna hai mirī basta-e-fitrāk

duniyā ko samajhtā huuñ maiñ bāzīcha-e-atfāl

jhukte haiñ mirī izzat-o-tāzīm ko aflāk

haiñ shams-o-qamar mere hī farmān ke taabe

haavī hai zamāne pe mirī fitrat-e-bebāk

lā-raib maiñ sultān huuñ qismat ke jahāñ kā

har-chand ki qismat kā fasāna hai alamnāk

bijlī kī harārat hai mirī mauj-e-nafas meñ

maiñ phūñk ke ik lamhe meñ rakh duuñ ḳhas-o-ḳhāshāk

bartāv zamāne kā mire saath burā hai

mat pūchh ki kyuuñ aañkh mirī rahtī hai namnāk

maiñ chāhūñ to taqdīr-e-zamāna ko badal duuñ

chāhūñ to badal saktā huuñ maiñ qismat-e-laulāk

ai dost mere pas nahin lal-o-jawahar

tu dekh ki kis darja hai sada meri poshak

lekin mujhe qudrat ne ata ki hai faqiri

is baat ka shahid hai mera daman-e-sad-chaak

har-chand ki kam-maya hun duniya ki nazar mein

iqlim-e-suKHan mein hai meri baiThi hui dhak

har rang-e-zamana se hun is umr mein waqif

raftar-e-zamana hai meri basta-e-fitrak

duniya ko samajhta hun main bazicha-e-atfal

jhukte hain meri izzat-o-tazim ko aflak

hain shams-o-qamar mere hi farman ke tabe

hawi hai zamane pe meri fitrat-e-bebak

la-raib main sultan hun qismat ke jahan ka

har-chand ki qismat ka fasana hai alamnak

bijli ki hararat hai meri mauj-e-nafas mein

main phunk ke ek lamhe mein rakh dun KHas-o-KHashak

bartaw zamane ka mere sath bura hai

mat puchh ki kyun aankh meri rahti hai namnak

main chahun to taqdir-e-zamana ko badal dun

chahun to badal sakta hun main qismat-e-laulak