shairi sach bolti hai

laakh pardoñ meñ rahūñ bhed mire kholtī hai

shā.irī sach boltī hai

maiñ ne dekhā hai ki jab mirī zabāñ Doltī hai

shā.irī sach boltī hai

terā isrār ki chāhat mirī betāb na ho

vāqif is ġham se mirā halqa-e-ahbāb na ho

to mujhe zabt ke sahrāoñ meñ kyuuñ roltī hai

shā.irī sach boltī hai

ye bhī kyā baat ki chhup chhup ke tujhe pyaar karūñ

gar koī pūchh hī baiThe to maiñ inkār karūñ

jab kisī baat ko duniyā kī nazar taultī hai

shā.irī sach boltī hai

maiñ ne is fikr meñ kāTeñ ka.ī rāteñ ka.ī din

mire sheroñ meñ tirā naam na aa.e lekin

jab tirī saañs mirī saañs meñ ras gholtī hai

shā.irī sach boltī hai

tere jalvoñ kā hai par tirī mirī ek ek ġhazal

to mire jism kā saaya hai to katrā ke na chal

parda-dārī to ḳhud apnā hī bharam kholtī hai

shā.irī sach boltī hai

lakh pardon mein rahun bhed mere kholti hai

shairi sach bolti hai

main ne dekha hai ki jab meri zaban Dolti hai

shairi sach bolti hai

tera israr ki chahat meri betab na ho

waqif is gham se mera halqa-e-ahbab na ho

to mujhe zabt ke sahraon mein kyun rolti hai

shairi sach bolti hai

ye bhi kya baat ki chhup chhup ke tujhe pyar karun

gar koi puchh hi baiThe to main inkar karun

jab kisi baat ko duniya ki nazar taulti hai

shairi sach bolti hai

main ne is fikr mein kaTen kai raaten kai din

mere sheron mein tera nam na aae lekin

jab teri sans meri sans mein ras gholti hai

shairi sach bolti hai

tere jalwon ka hai par teri meri ek ek ghazal

to mere jism ka saya hai to katra ke na chal

parda-dari to KHud apna hi bharam kholti hai

shairi sach bolti hai