sham ka raqs

yak-ba-yak

dhuup nīche girī

jaise chīnī kī ik tashtarī haath ḳhāmosh saa.at ke aage larazne lagā

aur kahne se hoñToñ ke andar

chhupī barq aa kar chamakne lagī

āshiyāñ jal gayā

shaam kā raqs maidān-e-hañgāma-e-ḳhauf meñ

garm hotā rahā

pañkhuḌī pañkhuḌī qatra qatra utartā rahā

maiñ ki dīvār ke sāmne dhuup kā tez jhoñkā banūñ

aag ke darmiyāñ ek paanī kā qatra banūñ

ḳhuuñ zabānoñ ke shādāb meñ ek āvāz hone kā sahrā banūñ

ruuh kī garm lahroñ meñ ik chashm hone kā chashma banūñ

tez masrūf āñkhoñ meñ ik hādsa kā tamāsha banūñ

aur

vo

ḳhvāb kī uñgliyoñ meñ phañsā naam hai

niile pattoñ meñ ristā huā sabza-e-sard ayyām hai

haañ yuuñ hī baiThe baiThe mirī saarī bāteñ suno

rone hañsne kī koī zarūrat nahīñ

yak-ba-yak

dhup niche giri

jaise chini ki ek tashtari hath KHamosh saat ke aage larazne laga

aur kahne se honTon ke andar

chhupi barq aa kar chamakne lagi

aashiyan jal gaya

sham ka raqs maidan-e-hangama-e-KHauf mein

garm hota raha

pankhuDi pankhuDi qatra qatra utarta raha

main ki diwar ke samne dhup ka tez jhonka banun

aag ke darmiyan ek pani ka qatra banun

KHun zabanon ke shadab mein ek aawaz hone ka sahra banun

ruh ki garm lahron mein ek chashm hone ka chashma banun

tez masruf aankhon mein ek hadsa ka tamasha banun

aur

wo

KHwab ki ungliyon mein phansa nam hai

nile patton mein rista hua sabza-e-sard ayyam hai

han yun hi baiThe baiThe meri sari baaten suno

rone hansne ki koi zarurat nahin