sham ki purwai

aaj parvāz ḳhayāloñ ne judā sī paa.ī

aaj phir bhūlī huī yaad kisī kī aa.ī

jism meñ saaz khanakne kā huā hai ehsās

aur bajne lagī sargam sī kahīñ zehn ke paas

merī zulfoñ ne bikhar kar koī sargoshī kī

kaisī āvāz huī aaj ye ḳhāmoshī kī

terī aahaT tirā andāz judā hai ab bhī

tū hī duniyā-e-mohabbat kī sadā hai ab bhī

is tasavvur pe 'alīnā' ko hañsī aa.ī hai

ye koī aur nahīñ shaam kī purvā.ī hai

aaj parwaz KHayalon ne juda si pai

aaj phir bhuli hui yaad kisi ki aai

jism mein saz khanakne ka hua hai ehsas

aur bajne lagi sargam si kahin zehn ke pas

meri zulfon ne bikhar kar koi sargoshi ki

kaisi aawaz hui aaj ye KHamoshi ki

teri aahaT tera andaz juda hai ab bhi

tu hi duniya-e-mohabbat ki sada hai ab bhi

is tasawwur pe 'alina' ko hansi aai hai

ye koi aur nahin sham ki purwai hai