sham

sūraj Duubā huā añdherā

chiḌiyāñ lene lagīñ baserā

din kā ġhā.eb huā ujālā

tārīkī ne parda Daalā

jalne lage diye ghar ghar meñ

girjā masjid aur mandir meñ

charḳh-e-barīñ par chamke taare

be-roġhan haiñ raushan saare

jañgal se ghar aa.e gvāle

revaḌ apnā apnā sambhāle

jā pahuñche mazdūr gharoñ meñ

ḳhush ḳhush haiñ biivī bachchoñ meñ

din meñ kab ārām kiyā hai

ḳhuun pasīna ek kiyā hai

niiñd meñ ġhāfil ho ga.e bachche

so ga.e lorī sunte sunte

suraj Duba hua andhera

chiDiyan lene lagin basera

din ka ghaeb hua ujala

tariki ne parda Dala

jalne lage diye ghar ghar mein

girja masjid aur mandir mein

charKH-e-barin par chamke tare

be-roghan hain raushan sare

jangal se ghar aae gwale

rewaD apna apna sambhaale

ja pahunche mazdur gharon mein

KHush KHush hain biwi bachchon mein

din mein kab aaram kiya hai

KHun pasina ek kiya hai

nind mein ghafil ho gae bachche

so gae lori sunte sunte