shayad miTTi mujhe phir pukare

sun

dariyā apnī muTThī khol rahā hai

sun

kuchh patte aur pattoñ ke saath kuchh havā ukhaḌ ga.ī hai

jañgal ke peḌ irāde

zamīn ko bosa de rahe haiñ

chāhte haiñ dariyā ko muTThī kā jaal lagā.eñ

āñkheñ manzar tah kartī jā rahī haiñ

samundar miTTī ko chaukor kar nahīñ pā rahe sun

galī lai pe funkār rahī hai

is meñ jale hue kapḌe pheñk

ziine galiyoñ meñ dhañse jā rahe haiñ

jismoñ se āñkheñ bāñdh dī ga.ī haiñ

bahte sitāre tujhe aks kar rahe haiñ

tere paas koī chehra nahīñ

batā

jañgal se lauTne vāloñ ke paas

mere lafz the yā mūrat

ka.ī janm ba.ad baat dohrā.ī hai

merī baat meñ jaal mat lagā merī baat batā

batā

bojhal saa.e pe kitnā vazn rakhā gayā thā

sun

maut kī chādar tumhārī āñkheñ nāpnā chāhtī hai

kanche is chādar ko chhed chhed kar deñge

chādar meñ pahle hī sī kar laa.ī thī

kyā paimāna zañg-ālūd thā

ye chādar tumheñ miTTī se duur rakhegī

aisī had aisī had se merā vajūd inkār kartā hai

tumhārā vajūd to parinde raT chuke

tumhārī zabān kahīñ tumhārī muhtāj to nahīñ

mere a.azā par e'tibār kar

maiñ hairatoñ kā inkār huuñ

muḳhtalif rañg ke charāġh

aur pāniyoñ kī zabāneñ

aadmī insān hone chalā thā ki kuaañ suukh gayā

kyā aadmī ne kuñ.eñ meñ nafrat pheñk dī thī

nahīñ

vo sadā gumbad ko toḌtī huī

thoḌā sā āsmān bhī toḌ laa.ī thī

chādar aur āvāz ko tah kar ke rakh do

lauTne tak merī āvāz dhartī pe gūñjtī rahe

jaise jaise tum jāoge

ḳhatm hote jāoge

tum do āñkheñ rakhnā magar fāsle ko bedār mat karnā

ā.ankhoñ kī Tik-Tik saarā jañgal jāntā hai

tum ḳhāmosh rahnā

aur haañ zabān kā ilm apne saath lete jaao

tum peḌoñ aur chiḌiyoñ kī guftugū sunñā

ābshāroñ ke vaar sahnā

maiñ ye TukḌā āsmān ko rañgne jā rahī huuñ

ruḳhsat ho rahī ho

aane kā va.ada hai

va.ade chaukhaT ghaḌiyāñ joḌ joḌ kar banā.e ga.e haiñ

va.ade ko khaḌā.ūñ mat pahnāo

chaap kā iqrār dekh mere qadam kī rakhvālī kartī hai

maiñ apne charāġh kī lau se

tumhārī jhoñpaḌī bāñdhe jaatī huuñ

lo aur ye jhoñpaḌī

jis vaqt apnā apnā dam toḌ deñ

to samajh lenā

maiñ koī zinda nahīñ rahī hoñgī

diyā tārīkiyoñ ko chaukannā rakhegā

saañs tap chuke

aur miTTī mujhe bulā rahī hai

achchhā charāġh aur chādar ko bāñdh do

hairat hai

tum haqīqat kī tīsrī shakl nahīñ dekhnā chāhte

aag ko kuuze meñ band kar do

aur

ye rahā charāġh aur chādar

ye to raakh hai

''ye raakh nahīñ mere safar kī gavāhī hai''

sun

dariya apni muTThi khol raha hai

sun

kuchh patte aur patton ke sath kuchh hawa ukhaD gai hai

jangal ke peD irade

zamin ko bosa de rahe hain

chahte hain dariya ko muTThi ka jal lagaen

aankhen manzar tah karti ja rahi hain

samundar miTTi ko chaukor kar nahin pa rahe sun

gali lai pe funkar rahi hai

is mein jale hue kapDe phenk

zine galiyon mein dhanse ja rahe hain

jismon se aankhen bandh di gai hain

bahte sitare tujhe aks kar rahe hain

tere pas koi chehra nahin

bata

jangal se lauTne walon ke pas

mere lafz the ya murat

kai janm baad baat dohrai hai

meri baat mein jal mat laga meri baat bata

bata

bojhal sae pe kitna wazn rakha gaya tha

sun

maut ki chadar tumhaari aankhen napna chahti hai

kanche is chadar ko chhed chhed kar denge

chadar mein pahle hi si kar lai thi

kya paimana zang-alud tha

ye chadar tumhein miTTi se dur rakhegi

aisi had aisi had se mera wajud inkar karta hai

tumhaara wajud to parinde raT chuke

tumhaari zaban kahin tumhaari muhtaj to nahin

mere aaza par e'tibar kar

main hairaton ka inkar hun

muKHtalif rang ke charagh

aur paniyon ki zabanen

aadmi insan hone chala tha ki kuan sukh gaya

kya aadmi ne kunen mein nafrat phenk di thi

nahin

wo sada gumbad ko toDti hui

thoDa sa aasman bhi toD lai thi

chadar aur aawaz ko tah kar ke rakh do

lauTne tak meri aawaz dharti pe gunjti rahe

jaise jaise tum jaoge

KHatm hote jaoge

tum do aankhen rakhna magar fasle ko bedar mat karna

aaankhon ki Tik-Tik sara jangal jaanta hai

tum KHamosh rahna

aur han zaban ka ilm apne sath lete jao

tum peDon aur chiDiyon ki guftugu sunna

aabshaaron ke war sahna

main ye TukDa aasman ko rangne ja rahi hun

ruKHsat ho rahi ho

aane ka wada hai

wade chaukhaT ghaDiyan joD joD kar banae gae hain

wade ko khaDaun mat pahnao

chap ka iqrar dekh mere qadam ki rakhwali karti hai

main apne charagh ki lau se

tumhaari jhonpaDi bandhe jati hun

lo aur ye jhonpaDi

jis waqt apna apna dam toD den

to samajh lena

main koi zinda nahin rahi hongi

diya tarikiyon ko chaukanna rakhega

sans tap chuke

aur miTTi mujhe bula rahi hai

achchha charagh aur chadar ko bandh do

hairat hai

tum haqiqat ki tisri shakl nahin dekhna chahte

aag ko kuze mein band kar do

aur

ye raha charagh aur chadar

ye to rakh hai

ye rakh nahin mere safar ki gawahi hai