shahr-e-arzu

koī batā.e kahāñ shahr-e-ārzū hogā

ki jis maqām pe dāman ke chaak silte haiñ

na.ī hayāt na.ī sub.h-o-shām milte haiñ

udaas udaas haiñ rāteñ udaas udaas haiñ din

kaTegī raah koī dāstāñ sunāte chalo

hikāyat-e-but-e-lāla-o-shāñ sunāte chalo

kisī kī zūd-pashīmāñ nīgāhiyoñ kā tilism

kisī ḳharāb nigāh-e-karam kā zikr karo

vafā-e-vāda-o-qaul-o-qasam kā zikr karo

har ek ābla-pā aur sar-e-junūñ-pesha

diloñ ke ka.abe meñ patthar sajā.e phirtā hai

ufuq ufuq pe nigāheñ jamā.e phirtā hai

udaas ham-safaro sū-e-dil bhī ek nazar

uchhal rahā hai baḌī der se lahū apnā

yahīñ kahīñ na mile shahr-e-ārzū apnā

koi batae kahan shahr-e-arzu hoga

ki jis maqam pe daman ke chaak silte hain

nai hayat nai subh-o-sham milte hain

udas udas hain raaten udas udas hain din

kaTegi rah koi dastan sunate chalo

hikayat-e-but-e-lala-o-shan sunate chalo

kisi ki zud-pashiman nigahiyon ka tilism

kisi KHarab nigah-e-karam ka zikr karo

wafa-e-wada-o-qaul-o-qasam ka zikr karo

har ek aabla-pa aur sar-e-junun-pesha

dilon ke kabe mein patthar sajae phirta hai

ufuq ufuq pe nigahen jamae phirta hai

udas ham-safaro su-e-dil bhi ek nazar

uchhal raha hai baDi der se lahu apna

yahin kahin na mile shahr-e-arzu apna