baDa shahr

Zia Jalandhari

baDa shahr

Zia Jalandhari

MORE BYZia Jalandhari

    karachi kisī dev-qad kekḌe tarah

    samundar ke sāhil pe paañv pasāre paḌā hai

    naseñ us faulād-o-āhan

    badan ret cement patthar

    baseñ Texiyāñ kāreñ rickshaw ragoñ meñ lahū bajā.e ravāñ

    jism par jā-ba-jā daaġh daldal-numā

    jahāñ ankabūt apne tāroñ se bunte haiñ bankoñ ke jaal

    ki un meñ shumāl aur mashriq se aa.e hue

    ishtihā aur ḳhvāboñ ke maare magas

    phaḌ.phaḌāte raheñ

    mustaqil ālam-e-jāñ-kanī meñ raheñ

    shaam hote is nam-ālūd aur khurdurī khaal se

    is ke be-Dhañg a.azā se

    ishva-faroshoñ ke pairāhanoñ tarah

    raushnī phūTtī hai

    ye vo shahr-e-ḳhud-mutma.in hai

    jo apne dil shaqāvat pe shaidā rahā

    maiñ chāhat ke phūloñ bhare jañgaloñ se jab aayā

    to is shahr piiTh

    majlis dīvār tarah merī taraf thī

    maiñ shiddat tanhā.ī meñ

    āshnā harf ārzū-mand

    paiham taġhāful se ranjīda be-dil

    yahāñ ke rusūm aur ādāb se be-ḳhabar

    nāḳhunoñ se zamīn khod kar

    āñsuoñ namī se use sīñch kar

    harf kaliyoñ ummīd meñ

    dard boltā rahā

    ka.ī baar maiñ ne samundar bhīgī havāoñ se pūchhā

    ki ai ḳhush-nafas rahravo

    tum is tarah begāna-vash kyuuñ guzartī ho

    pal bhar ruko

    koī taskīñ paiġhām do

    aur apnā ye amrit haath

    dukhe dil pe rakh do

    pa vo shahr saañs meñ

    enginoñ ke dhueñ kasāfat se afsurda

    āñkheñ churā.e guzartī rahīñ

    ka.ī baar yuuñ bhī huā hai

    ki maiñ aur ye shahr ik mushtarak dukh zanjīr meñ bañdh ga.e

    aur mujhe ye gumāñ huā

    ki ab ajnabiyyat dīvār girne ko hai

    abhī us namnāk āñkheñ kaheñgī ki ham ek haiñ

    lamha-e-dard saath sab se baḌā saath hai

    magar maiñ ne dekhā ki is vaqt bhī

    us pathrā.ī āñkhoñ meñ

    aks-e-shanāsā.ī nāpaid thā

    aur ab jab maiñ is shahr se rahā huuñ

    to is darāñtī bāñhoñ ke dandāne

    mere rag-o-pai meñ utre hue haiñ

    karachi kisi dew-qad kekDe ki tarah

    samundar ke sahil pe panw pasare paDa hai

    nasen us ki faulad-o-ahan

    badan ret cement patthar

    basen Texiyan karen rickshaw ragon mein lahu ki bajae rawan

    jism par ja-ba-ja dagh daldal-numa

    jahan ankabut apne taron se bunte hain bankon ke jal

    ki un mein shumal aur mashriq se aae hue

    ishtiha aur KHwabon ke mare magas

    phaDphaDate rahen

    mustaqil aalam-e-jaan-kani mein rahen

    sham hote hi is ki nam-alud aur khurduri khaal se

    is ke be-Dhang aaza se

    ishwa-faroshon ke pairahanon ki tarah

    raushni phuTti hai

    ye wo shahr-e-KHud-mutmain hai

    jo apne hi dil ki shaqawat pe shaida raha

    main chahat ke phulon bhare jangalon se jab aaya

    to is shahr ki piTh

    majlis ki diwar ki tarah meri taraf thi

    main shiddat ki tanhai mein

    aashna harf ka aarzu-mand

    paiham taghaful se ranjida be-dil

    yahan ke rusum aur aadab se be-KHabar

    naKHunon se zamin khod kar

    aansuon ki nami se use sinch kar

    harf kaliyon ki ummid mein

    dard bolta raha

    kai bar main ne samundar ki bhigi hawaon se puchha

    ki ai KHush-nafas rahrawo

    tum is tarah begana-wash kyun guzarti ho

    pal bhar ruko

    koi taskin ka paigham do

    aur apna ye amrit sa hath

    dukhe dil pe rakh do

    pa wo shahr ki sans mein

    enginon ke dhuen ki kasafat se afsurda

    aankhen churae guzarti rahin

    kai bar yun bhi hua hai

    ki main aur ye shahr ek mushtarak dukh ki zanjir mein bandh gae

    aur mujhe ye guman sa hua

    ki ab ajnabiyyat ki diwar girne ko hai

    abhi us ki namnak aankhen kahengi ki hum ek hain

    lamha-e-dard ka sath sab se baDa sath hai

    magar main ne dekha ki is waqt bhi

    us ki pathrai aankhon mein

    aks-e-shanasai napaid tha

    aur ab jab main is shahr se ja raha hun

    to is ki daranti si banhon ke dandane

    mere rag-o-pai mein utre hue hain

    Source :
    • Book : sar-e-shaam se pas-e-harf tak (Pg. 240)

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY