shararat nagar

koī aisā schōl bhī to khule

jahāñ copiyāñ aur kitābeñ na hoñ

dīvāroñ pe likkhā ho paḌhnā nahīñ

taraqqī ke ziine pe chaḌhnā nahīñ

rah-e-ilm meñ aage baḌhnā nahīñ

gale mere ye ilm maḌhnā nahīñ

hamesha raheñ ḳhush ki ai chul-bule

koī aisā schōl bhī to khule

hameñ na sikhāo ye jī o T got

hamārā to ġhussa hai h o T hot

ki ham toḌ Dāleñ ye pī o T pot

chhiḌak deñge chehre pe ham inkpot

paḌe daaġh aisā ki phir na dhule

koī aisā schōl bhī to khule

na karnī paḌe yaad ye history

na juġhrāfiya ho aur na chemistry

vakālat kareñge na barristerī

sikhā do sharārat kī palmistry

ki shaitān banñe pe ham haiñ tule

koī aisā schōl bhī to khule

baḌe ho ke bhālū nachā.eñge ham

akhāḌe meñ mugdar ghumā.eñge ham

na paḌhne ko england jā.eñge ham

tumhīñ par kabūtar uḌā.eñge ham

jahālat ke palḌe meñ ham haiñ tule

koī aisā schōl bhī to khule

koi aisa school bhi to khule

jahan copiyan aur kitaben na hon

diwaron pe likkha ho paDhna nahin

taraqqi ke zine pe chaDhna nahin

rah-e-ilm mein aage baDhna nahin

gale mere ye ilm maDhna nahin

hamesha rahen KHush ki ai chul-bule

koi aisa school bhi to khule

hamein na sikhao ye ji o T got

hamara to ghussa hai h o T hot

ki hum toD Dalen ye pi o T pot

chhiDak denge chehre pe hum inkpot

paDe dagh aisa ki phir na dhule

koi aisa school bhi to khule

na karni paDe yaad ye history

na jughrafiya ho aur na chemistry

wakalat karenge na barristeri

sikha do shararat ki palmistry

ki shaitan banne pe hum hain tule

koi aisa school bhi to khule

baDe ho ke bhaalu nachaenge hum

akhaDe mein mugdar ghumaenge hum

na paDhne ko england jaenge hum

tumhin par kabutar uDaenge hum

jahaalat ke palDe mein hum hain tule

koi aisa school bhi to khule