sharare

ḳhud ko bahlānā thā āḳhir ḳhud ko bahlātā rahā

maiñ ba-īñ soz-e-darūñ hañstā rahā gaatā rahā

mujh ko ehsās-e-fareb-e-rañg-o-bū hotā rahā

maiñ magar phir bhī fareb-e-rañg-o-bū khātā rahā

merī duniyā-e-vafā meñ kyā se kyā hone lagā

ik darīcha band mujh par ek vā hone lagā

ik nigār-e-nāz kī phirne lagīñ āñkheñ 'majāz'

ik but-e-kāfir kā dil dard-āshnā hone lagā

ain hañgām-e-tarab rūh-e-tarab tharrā ga.ī

daf.atan dil ke ufuq par ik ghaTā sī chhā ga.ī

ek āġhosh-e-tamannā kā taqāzā dekh kar

ek dil kī sard-mehrī bhī mujhe yaad aa ga.ī

mujrim-e-sartābī-e-husn-e-javāñ ho jā.iye

gul-fishānī tā-kujā shola-fishāñ ho jā.iye

khāī.egā ik nigāh-e-lutf kā kab tak fareb

koī afsāna banā kar bad-gumāñ ho jā.iye

KHud ko bahlana tha aaKHir KHud ko bahlata raha

main ba-in soz-e-darun hansta raha gata raha

mujh ko ehsas-e-fareb-e-rang-o-bu hota raha

main magar phir bhi fareb-e-rang-o-bu khata raha

meri duniya-e-wafa mein kya se kya hone laga

ek daricha band mujh par ek wa hone laga

ek nigar-e-naz ki phirne lagin aankhen 'majaz'

ek but-e-kafir ka dil dard-ashna hone laga

ain hangam-e-tarab ruh-e-tarab tharra gai

dafatan dil ke ufuq par ek ghaTa si chha gai

ek aaghosh-e-tamanna ka taqaza dekh kar

ek dil ki sard-mehri bhi mujhe yaad aa gai

mujrim-e-sartabi-e-husn-e-jawan ho jaiye

gul-fishani ta-kuja shola-fishan ho jaiye

khaiega ek nigah-e-lutf ka kab tak fareb

koi afsana bana kar bad-guman ho jaiye