sharh-e-wardat

soz-e-ġham mūjib-e-hayāt bhī hai

ek shai zahr bhī nabāt bhī hai

āgahī meñ bhalā ye baat kahāñ

ishq puḳhta bhī bā-sabāt bhī hai

dil jo simTe to qatra-e-ḳhūñ hai

aur phaile to kā.enāt bhī hai

aap kā har sitam bajā lekin

koī shai husn-e-iltifāt bhī hai

chehra raushan huā to kyā hāsil

dil ho raushan to koī baat bhī hai

zindagī ik balā sahī lekin

is balā se kahīñ najāt bhī hai

gul-o-bulbul kī dāstāñ hī nahīñ

shā.erī sharh-e-vārdāt bhī hai

soz-e-gham mujib-e-hayat bhi hai

ek shai zahr bhi nabaat bhi hai

aagahi mein bhala ye baat kahan

ishq puKHta bhi ba-sabaat bhi hai

dil jo simTe to qatra-e-KHun hai

aur phaile to kaenat bhi hai

aap ka har sitam baja lekin

koi shai husn-e-iltifat bhi hai

chehra raushan hua to kya hasil

dil ho raushan to koi baat bhi hai

zindagi ek bala sahi lekin

is bala se kahin najat bhi hai

gul-o-bulbul ki dastan hi nahin

shaeri sharh-e-wardat bhi hai